Ka Nupepa Kuokoa, Volume XLII, Number 12, 22 March 1907 — Iwa i ka Liko. [ARTICLE]

Iwa i ka Liko.

Akahi no po i ko mai Ke ala anuanu o na Vale, Onaona ka hiki'na ana mai, Koi mai ana i ke aloha e naue. . Ua lawa ka manao ka hali'a pu I hoa kuwili ha'iha'iolelo, E malama I ke aloha i hoa kaunu, I hoa plli no ke kula iu ano. Moe oe ilaila hiki mai ke aloha, Hone ana i ke kino ka eha 'ka manao I manao aku au o kuu pua ia, I noho hoohie i ka uka i ka wao. Ua lono leo mai au e ka hoa, Ua ena na manu inu wai pua lehua, Likiliki mailoko ane hiki ole, I ka ue i ke oi a Poli-e-heke-ke. Au aku na maka ka popohe ula 'luna, 0 na Ohelo-nee ai a ka manu Manumanu ia pua lei a ke onaona, 1 ka luaiele ia e ke Kiu-lu-kehau. Ke uwalo mai la ke aloha e hoi au, I hoa lia no ka home Nioiweli, # Honi ae au hookahi pua i ka lau, Ku ana ke aloha ohuohu i ka lei. E lei no au i ka li-a i hlki mai, Me na papahi lei o Lipolipo, I pulupe i ke ala o Mailelaulii, Ke ala ia o kuu Iwa i ka liko. —BONE.