Ka Nupepa Kuokoa, Volume XLII, Number 13, 29 March 1907 — LOAA AKU HE KEPANI UA PAU KA IKE. [ARTICLE]

LOAA AKU HE KEPANI UA PAU KA IKE.

Ma ke ahiahi Lapule nei, ua loaa aku mawaho pono o ka Home o Susana Wesley, ma Kapalama, mahope iho o ke kani ana o ka hora 10 he Kepani e moe ana ma ke alahao kaauwlla. Ma ka nana aku ua pepe ke!a Kepani 1 kekahi kaa otomobila, a mahope o ka ike ana o ka mea kalaiwa, ua holo oia me ka ike ole ia. Mamuli o ka makaala o ka mea kaauwila, ua pakele mahunehune ke ola o keia Kepani, oiai o ke kino o ke Kepani e waiho pono ana iwaena o ke alanuihao. Nui na kaa otomobila i keia mau la e holo pupule mai nei me he mea la o lakou wale no na mea kuleana i ka pono alanui. O ka loaa koke ana o ka mea i hewa oia ka hana maikai a ka oihana makai e imi aku ai i keia mau la.