Ka Nupepa Kuokoa, Volume XLII, Number 15, 12 April 1907 — PAA IA OHUA O KA VENTURA I KA HOPUIA. [ARTICLE]

PAA IA OHUA O KA VENTURA I KA HOPUIA.

Ma ke ku ana mai o ka mokuahi Yentura ma ka Poakahai nei, ua holo aku ia na iuna aupuni Federala maluna o kekahi waapa mokuahi no luna o ua mokuahi la, a hopu aku la i kekahi o kona mau ohua ma ka inoa o ' Robert Gibbs. Mamuli o kekahi kelekalapa i hoounaia mai 1 ka oihana makai mai ia Komisina Dinnie mai o Welinekona, N. Z., e hoike mai ana l ka hoopukala ana o ka palapala hopu no keia haole, no ka loaa ana aku iaia mai i& Aiex Johnson aku malalo o na hana hoopunlpuni, na dala he kanaono pela 1 hopu aku ai na 1 kela haole. Ua kau mai keia haole maluna o keia mokuahi ma ke ano ohua o ka papa elua, a malalo hoi o ka inoa kapakapa R. Gibbons. I ka manawa o Ilamuku Hendry, ka Makaikiu Tayior ame elua mau makai i kau aku ai no luna o ka Ventura, ua ike kokeia aku la kela haoie, a paa aku la i ka hopuia. Ua hoole mai ola, aole oia o ka haole 1 holkeia mai ai, aka nae mamua ae o kona komo ana aku no Kawa, ua hoike okoa ai la oia, i ka pololel o ko na makai hopu ana aku iaia.

E maiamaia ana keia haole ma Hawaii nei a hlki i ka hoea ana mal o kekahi luna aupuni me na palapala mal Nu Kiiani mai, a nana e holhoi hou aku iaia no kona wahi 1 hele mal ai. Ua niha ka pule okoa iaia maluna o ka moana, me ka manao ole a'e he piiikia kekahi ma keia huakai ana, eia ka e hoohala ana oia he mau la loihi maioko o ka Halepaahao o Hawaii nei.