Ka Nupepa Kuokoa, Volume XLII, Number 16, 19 April 1907 — LEDE ANOLA Ka U'i Hookalakupau Nana i Hoehaeha aku i na Puuwai Elua A I OLE Ka U'i i Molia laia Iho Iloko o ka Haawina Laahia o ka Mare ma ke Ka'e o ka Moe Make, AOLE MA KE KUAHU. [ARTICLE]

LEDE ANOLA

Ka U'i Hookalakupau Nana i Hoehaeha aku i na Puuwai Elua

A I OLE Ka U'i i Molia laia Iho Iloko o ka Haawina Laahia o ka Mare ma ke Ka'e o ka Moe Make, AOLE MA KE KUAHU.

MOKUNA I. KO ROE HOOIPOIPO ANA. "Dot, e noonoo pono mai no hoi oe n6 kekahi manawa wale no." <4 Roe. Aole i loaa ia'u kekahi noonoo ano nui loa e like me keia ma ko'u ola ana." "Hoopunipuni! me kena mau maka palupalu ou, kou mau papalina i haiamuia me he opuu pua rose la, ua like loa oe mc kekahi Anela i iho mai nei mai ka Lani mai a he mea oiaio no lioi, he mea ano nui loa keia ia'u." ''He mea nui no keia ia'u oiai o keia iho la ka ninau ano nui loa e pili ana i ko'u noho honua ana no ka manawa pau ole; aka ina hc mea oluolu ia oe e ke keonimana, —aole paha au e ae aku ana—he kumuhana ano nui loa keia no ka auamo ana." Ua hanu iho la ke kaikamahine u'i opio a Roe hoi i kapa aku ai 0 Dot, me ka malie, me he mea la e hoike maopopo mai ana no o keia ninau ano nui e pili ana no ka pono o kona noho ana o keia mua aku, e kaupaona ia ana maluna oke ana paona o kona puuwai. Ua puliki iho la keia i kona mau lima palupalu a mimino no hoi i ka ua mea o ka nui anu, a o kona mau niaka nohea ke nana aku aia iloko olaila ka lamaku pio ole e hoike mai ana, ke haunaele la oloko i ka moae. Aka o keia mau mea apau a Dot e hoikeike nei ua lilo ia he mea ole ia Roe, a mahope o kona nana ana iaia 110 ka hoomaopopo ana hoi ina ua lilo mai kona manao ohohia nona, ua aka iho la oia, o kona lauoho e luheluhe ana mahope o kona mau poohiwi, oiaj ia manawa hookahi no o ke kani oeoe o kona aka e holopapa ana no ia iloko o kona rumi. Ua pii ae la ka inaina welawela maluna o ka mea aloha opio 110 kekahi mau sekona, aka haawipio koke aku la 110 malalo o na minoaka ana a ka u'i nohea, a iloko o kona mau maka ka hoailona ehaeha o kona puuwai. Mahope o kana mau akaaka ana a ua ano paupauaho no hoi ua holoi ae la oia i kona mau waimaka e hoopulupe ana i kona niau papalina, a kamailio ae la me ka leo nui: • "E Roe —E Roe! he oiaio, o kela mau manao au i waiho mai nei imua o'u aole loa e hiki ana ia'u ke ae aku. "Ke manaoio nei au aole he mau mea ano e loaa iloko o ka'u ninau ia oe no kou mare ana mai ia'u. Ke hoehaeha loa mai nei oe i ko'u manao, oi loa hoi ko'u uhane, e " wahi a ke kanaka opio 1 panai aku ai imua o ka lede opio, me ka leo halo'ulo'u o ke aloha. Hulili koke ae la na maka o kona hoaloha i kela manawa. Ua maopopo loa kona kulana i keia manawa e hiki ole ai ke koho hewa aku, a ua nana pono aku Ia ka kde opio iinua o kona alo, me na maka ku-00. . t Hapai ae la oia i kona mau lima palupalu, kona mau lima keokeo liilii maluna o kona poohiwi, ame kona mau maka nohea e haka pono ana imua o kona mau maka, kamailio aku la me ka leo malie: "E Roe, aole loa au i moeuhane mua e waiho mai ana oe imua o'u i kekahi ninau e like n:e keia." "A no keaha mai lioi, e ka lede maikai?" "A no ke kuniu.ua hanai like ia kaua mai ko kaua manawa bebe mai, ua paani like ma na ano apau, ua ai like mai ke pa hookahi mai, a ua moe i ka moe hookahi, a ua like no hoi ko kaua noho ana no keia mau makahiki loihi e nee nei me he mea la he kaikunane a he kaikuahine —auwe no hoi, o oe ua like loa oe ia'u nei meTie kaikuiieine la no'u, a aole loa i komo iloko o ka papaku o kuu uhane kekahi mau noonoo ana ke hiipoi nei oe i ke aloha no'u. ' "Aka ua hiipoi au i keia aloha nou, e Dot, no na makahiki lehulehu i aui ae nei, a no keia mau makahiki elua i kaahope ae nei, ua hahana loa mai na hana a ke aloha iloko o'u a hiki ole ia'u ke kaohi, me kuu manaolana kiekie loa e hoea mai ana no ka manawa kupono e hoike aku ai au ia oe—he mea lioopaha'oha'o keia ia'u ka loaa ole ana ia oe na hoomaopopo ana no keia mea," wahi ana i hoomau aku ai i ke kamailio ana imua o ka lede opio, "no ke kumu ke manao nei au mai ko kaua mau la opio mai a hiki no hoi i keia la a'u e kamailio nei, ua hooko piha aku au a ua lawelawe i na hana apau au i makemake ai e like me ke aloha oiaio o ke kane i ka wahine." Nana pono aku la ka lede opio i keia manawa me na manao e kalele ana i kela huaolelo "aloha," aka i kona hoomaopopo ana i ka maiiao oiaio o ka opio i hoopunanaia maloko o ka papaku o kona naau, ua kaohi ae la oia i kona mau manao ponoi, a pane aku la me na huaolelo "kaumaha o ka manaoio: "He mea oiaio, e kuu aloha, ua hana mai oe pela no'u nei i oi aku mamua o ka mea kupono e panai k mai ai imua o'u, a ke hopohopo nei au ua hoounauna wale aku au ia oe me ka hoomaopopo ole i ka hua e hua mai ana no ia mau hoounauna ana—aka ua hoea mai ka hopena ka hua hoi o ke aloha, ka mea i ikeia mamuli o ko kaua hanai likeia ana mai ko kaua manawa bebe mai, a mamuli no hoi o ka noho hoaloha ana o ko kaua mau maka." "Aka, e Dot," wahi a ke keiki opiopio i pane aku ai, "ua hoike mai oe ia'u no ka haneri oka manawa, he aloha kou ia'u, a—a ke manaoio nei au he oiaio no kau mau olelo." "Ae, he aloha no kou ia oe, e Roe, me kuu uhane apau, e like me ke aloha kaikuahine i ke kaikunane; o oe kekahi o na keiki maemae a oluolu a'u i ike ai maluna o ka papalina o ka honua nei, a he kokoolua kupono no na mea apau ma keia ola honua ana." "A aole oe i hoopunana iho i keia manao iloko ou e lilo ana oe i wahine na'u —ole loa aku hoi na noonoo ana iho no ko kaua hoohuiia ana imua o ke kuahu laahia o ka mare?" wahi ana i ninau aku ai ia Dot me ka leo haalo'ulo'u o ke aloha. "Aole loa, e Roe—aole i komo mai kela rfßiu manao ana iloko o'u." "Heaha kau mau kumu hoohalalhtlā no'u ma ke ano he kane?" | wahi ana i ninau aku ai i ka lede opio me ka leo maikai ole. "Aole a'u mau kumu hoohalahala ana nou; a ke manao nei au e laki ana no ka wahine ina o oe ke kane, o oe hoi ka hoa pili o na po hu'ihu'i, o oe hoi ka hoa kuwiliwili o kahi moe," wahi a ka u'i opio i pane aku ai, me ka leha ana ae o kona maka imua ponp o kona alo. "Alaila, heaha la kou mea e ae ole mai nei e lilo au i kane nau?" Hehe iho la ka aka o Dot i keia manawa. Aole hiki iaia nei ke alo ae, oiai ua maopopo lea aku la iftia nei ua haiamu maoli ia no oia eke aloha e make ole ai. Alaila, me ka leo malie, ua pane aku la ka u'i nohea penei: "No ke kumu, e Roe, aol<S«'u makemake e marc me kekahi mea. No'u iho i keia manawa he hauoli ko'u noho ana ma na ano apau, a heaha ka waiwai oka mare ana ? Ina no hoi oe e noonoo kanaka mai a kapae ae hoi i keia mea mailoko aku o kou waihona noonoo, ua hiki no ia kaua ke noho like e likt me na makahiki i kaahope aku nei, mfc ke ano he kaikunane a he kaikuahine, a e hauoli ana no kaua ma na ano apau." Aole i pau.