Ka Nupepa Kuokoa, Volume XLII, Number 16, 19 April 1907 — HE KANAWAI KULANAKAUHALE. [ARTICLE]

HE KANAWAI KULANAKAUHALE.

O ke kanawai kulanakauhale e noonooia mai nei e ka Ahaolelo i keia maii la, he kanawai ia e hoolilo ana i ke Kalana o Oahu malalo o ke kulanakaufrale. i okoa ae kona ano ma kekahi mau lawelawe oihana ana mai ko na Kalana e ae e ku nei i keia manawa. Ma keia kanawai, e kohoia ana he Mea, a oia iho la ke poo o ke kulanakauhale, a ua like kona hoomalu ana i ke kulanakauhale e hke me ko ke Kiaaina hoomalu ana ike Teritori. Aia ilok<*o ka Mea ka mana e vito i na kanawai ame na rula a ka Papa o na Lunakiai e hana a e hooholo ai. a he kuleana hoi ko ka Papa e a*e ai maluna o ka vito e like no hoi me ka Ahaolelo e hana mai nei me ke Kiaaina. He hooponopono malihini ana keia ia kakou i keia manawa, aka malia he kanawai maikai paha keia, oiai he nui ka poe e hooikaika ne# e hooholoia, ke inau no nae ke kohoia ana ona luna aupuni e hk e me ko ka wa i hala ae nei malalo o ke Kalana.