Ka Nupepa Kuokoa, Volume XLII, Number 16, 19 April 1907 — MAMINA WALE O KAUKA J. LOR WALLACH. [ARTICLE]

MAMINA WALE O KAUKA J. LOR WALLACH.

Mahope iho o kela ninaninau ana o J. Lor Wallaeh, a i ikeia hoi e na kanaka Hawaii ma ka inoa o Walaka, ua ala mai na manao apono.i na poe apau. e haawi aku i keia haole i manawa nona e hooiaio mai ai e like me kana mea i noi mai ai he hiki loa iaia ka lapaau ana a ola ka ma'i lepera. O ka Peresidena o ka Papa Ola kekahi i komo ma ia manao kokua e haawiia i $6 o ka la me ke kauoha pu ana i kana mau laau apau i makemake ai, a na ke Teritofi e uku ia mau hoolilo. Ua ahewāia mai nae keia haole imua o ka Aha Kaapuni no kona hoike wahahee ana i kona wahi e noho ai ma kela manawa hoopaa 'inoa koho haloka aku nei i hala, a e kauia mai ana ka hoopa'i e like me ka makemake oke kanawai. Ua hooholo lokahi mai ka Senate e like me ka ka Hale i hooholo ai no keia haole, a e loaa ana no iaia he manawa e hooko aku ai e like me kana i makemake ai. ke kauia mai he hoopa'i malani maluna ona no keia hewa, a i ole hookuu loaia mai paha e like me ka hoohalahala a k'ona loio.