Ka Nupepa Kuokoa, Volume XLII, Number 16, 19 April 1907 — ULUHUA I KE OLA. [ARTICLE]

ULUHUA I KE OLA.

FLORENCE, Ital'a, Aperila 2.—Ua loaa aku i keia kakahiaka maluna 0 kona wahi moe, o Makekueka Bindo Peruzzi de Medici, ua make, me kana pu panapana e paa ana no iloko o kona lima akau. Mahope o ke kikeke hoomau ana a kana keikl hana mawaho o ka puka me ka loaa ole rnai o ka pane, ua wawahi aku oia I ka puka, a o ka mea ana i halawai pu aku ai oia no ke kino make o kona haku e moe lolii ana iloko o kona koko. He 29 makahiki o keia keonimana, he lukanela iloko o ka oihana kaua o kona aina kulaiwi, a he kanaka i makemake nui i na hana hoikaika kino like ole.