Ka Nupepa Kuokoa, Volume XLII, Number 16, 19 April 1907 — HAINA NANE. [ARTICLE]

HAINA NANE.

Ela iho ka inoa o ka lei e Wailohiomaleka i hoopukaia ma ke Kuokoa Home Rula 'o Aper!la 5. 1907, a i hoonohonoho pono ia hoi kona mau pua e like me keia malalo iho nei: Pua 1, 2—"Po" He nui kona mau manawa e maalo mau mai ai i ko kakou mau maka a pela no hoi oia e nalowale aku ai i kahi wa. Pua 3, 4, 5, 6—"Haku" —Ua kapa aku kakou i ko kakou mau Alii he Haku, a i ka poe waiwal hoi, he haku maluna o kana poe kauwa hana. A ke ole e loaa ilaila alaila e loaa no i ka poe haku lei hulu o ka mamo, haku lei hulu 00, a pela wale aku. Pua 7—"O" O ka O o ka pe'a kona kumu e mohala pono ae ai. a e lilo auanei ua mau waa la I ka lawe a ko au. Pua 8, 9, 10. 11—"Hana" O Hana ka Aina Ua Lani Haahaa i holo ma ua mele la. Pua 12, 13, 14—"Lei" He hiaai nul kahi poe ia mea he lei a i kah! poe hol aole. A l ka hoopilipili, a hoomaumau ana iho i ka 1 o na pua a hiki i ka 14, e loaa no ka inoa piha o ua Lei la "POHAKUOHANALEI." J. W. K. KAKELAMALUIKALEO.