Ka Nupepa Kuokoa, Volume XLII, Number 17, 26 April 1907 — KA MANAO O KA ELELE KUHIO NO KA PAPA LUNAKIAI O OAHU. [ARTICLE]

KA MANAO O KA ELELE KUHIO NO KA PAPA LUNAKIAI O OAHU.

Ua hoike ae ke Keikialii Kuhio i kekahi mau hoa Repubalika ona i kona mau manao hoahewa nui i na hana a ka Papa Lunakiai e ke'ake a nei i ka Makai Nui, ma o ka hoemi ino ana i ka haawina o ka Oihana Makai, ame kekahi mau hana hoonaaikola e ae no hoi ke hoea kekahi mau ninau a mau kumuhana ano nui e ae paha imua o lakou e pili ana no ka hooholomua ana aku i na hana o ka, Oihana Makai. Ma keia hoahewa ana ua like ko niakou manao me ko ka Elele aka Lahui. E hoomanaoia he Hawaii o laukea; a iwaena o kona lahui oia kekahi o na kanaka i niahalo nuiia e ka poe ko'iko'i o ka aina no kana mau hana hoopono a akahai ma ka oihana. Nolaila. i na Hawaii oka Papa e hulikua nei ia laukea, oko oukou hulikua ana īaia oia no ko oukou hulikua ana i kekahi o kakou ,a e ku ai hoi na olelo hoonaaikola a ko waho mai e olelo ana, he lahui lili keia, kekahi i kekahi, ke noho ae ma na oihana kiekie. Aole pela na mea e ikeia nei iwaena ona lahui e ae—he kakoo aku kekahi i kekahi, a pela no i paa ai na oihana- kiekie o ka aina nei ma ka lima o ia poe. Eia no hoi kekahi mea e noonooia: Ke holopono ka Oihana Makai malalo o ka laukea mau hooponopono ana, he pono ia e loaa ana i ka Lahui Hawaii holookoa, no ka mea, o ka mahaloia ana o kekahi Hawaii ma na oihana poo o keia ano he mau mahalo ana no ia e pahola ana maluna o ka lahui holookoa. Eia ka makou mea e hoomaopopo nei i keia manawa. Iwaena o ko kakou lahui, o ke Keikialii Kalanianaole ko ka Ahaolelo Lahui ma Wasin'etona ma ke ano he Elele na ka Lahui, a o laukea hoi ke n°ho nei maluna o kekahi oihana'poo o ke Kalana. Āia maluna o laua na manaolana o ka lahui ma na hana pili oihana o ka lehulehu. Ma ke kulana kalailaina hoi, o ka Elele ma ka aoao o na Repubalikā, a o laukea hoi ma ka aoao o na Demokarata. A oiai laua eku kaawale ana ma ke ano pili kalaiaina, he hookahi no o laua manao, a oia h°i ka hapai ana aku i ke kulana o na Hawaii iluna, e hooia ana hoi i ka oiaio o na olelo a na poe ku-e i na Hawaii, e olelb ana "aole e hiki i na Hawaii ke hooponopono ia lakou." Nolaila, he mea pon6 i na Haw&ii apau e hoao a e kakoo aku ia laua i mea e holopono ai !ka laua mau hana ma ka oihana a i mahalo like ia ai kkkou apau. Me he mea la, ma keia mau hana paonioni a ka Papa Lunakiai, e n°ho mana ia nei e ka hapanui o na Hawaii, ua hoomaopopo ke 'lii JKuhio he mau hana no ia e hoao ana e kula'i hou i na Hawaii maS ko lakou pii ana aku maluna o na oihana aupuni, a nolaila, he mea kupono i na Hawaii apay, me ka nana ole i ko lakou mau aoao kalaiaina, e ku me ka makaala no ko lakou mau pono iho, a mai ae aku i ko lakou mau manao e kaualako hele ia ma o a maanei e ka poe e oliol! ana i ko kakou kaa mau malalo.