Ka Nupepa Kuokoa, Volume XLII, Number 17, 26 April 1907 — NO KE KULANA PERESIDENA O AMERIKA. [ARTICLE]

NO KE KULANA PERESIDENA O AMERIKA.

(Mal ka Literary Digest Mai.) Eia maloko o ka Mokuaina o Ohio 1 keia mau la ke hahana e nei no ka paio no ka moho holo Peresidena ana no Amerika no ke kau 1908 e hiki mai ana. Mamuli o ka hoopuka ana ae o Peresle'.ena Rusawela aole loa oia, ma na ano apau, e ae ana e holo moho hou no ia kulana no ke kolu o ka manawa, ua hoomaopopoia no ia manawa hookahi eia o Peresidena Rusawela ke paa nel 1 kona limaakau ma na poohiwi o Mr. Taft, ke Kakauolelo hoi o ka Oihana Kaua o Amerika e noho mai nei i keia mau la. Me ka hoohewahewa ole ua maopopo i na kanaka apau o ke aupuni ke kakoo ikaika nei o Peresidena Rusawela ia Mr. Taft oia kana moho no ke kulana Peresidena, aka ua hiki no i keia pepa ke hoike ae e hahana ana ka paio mamua o ka hooko ia ana o kela manao mamalahoa o Mr. Rusawela. Iwaena o na moho like ole e holo ana e hahana ana ka palo mawaena o Mr. Taft, Mr. Fairbank, Mr. Shaw. Mr. Root. ame Mr. Foraker, ka Lionahae hoi o ka Mokuaina o Ohio.