Ka Nupepa Kuokoa, Volume XLII, Number 18, 3 May 1907 — WAIHO O SYLVESTER I KA NOHO KAHU ANA NO KAUKEANO. [ARTICLE]

WAIHO O SYLVESTER I KA NOHO KAHU ANA NO KAUKEANO.

Ma ke kakahiaka o ka Lapule i hala iho la i heluheluia ae ai kekahi leka iloko o ke anaina hooniana o ka Luakini o Kaukeano Hou mai kona Kahu mai Rev. J. Walter Sylvester, D. D., e waiho ana i kona kulana ma ke ano-he kahu no ka Ekalesia. Ma ke kau la i hala aku nei i liolo mai ai o Mr. Sylvestcr i Honolulu nei mahope iho o ka wjJ?lio ana i ka noho kahu ana 110 ka Ekalesia o Albany, Nu loka, kahi hoi ona i noho hana ai 'me ka holomua 0 kana mau hana. Ia manawa aole i maikai loa kona olakino a kau mai ka manao • Hawaii nei e loaa ai ka maha. Ano ka waiho hakahaka ana oke kulana kaliu o ka Ekalesia o Kaukeano ua konoia aku o Kauka Rev. Sylvester e hoopiha i ka'makalua, ke noi hoi ana i hooko io ai. He kanaka makaukau keia kahu o Kaukeano, a o kana mau ha'iolelo i haawi ai ua hoolana mai ia i na noonoo o na hoahanau, a ua makahehi nuiia kana mau olelo. A no kona nawaliwali i laweia ae ai na hana o ka Ekalesia i hiki ke lawelaweia e na hoa paahana a koe ka hana pilipaa iaia me keia manao oia kekahi mea nana e hoomaalahi a hoomama i kona noho ana e like me ka ikaika kupono i loaa iaia. Aka ma na la he umi i hala ae nei mai ka wa ona i hookomo ai i kana leka waiho oihana ua loaa iho la oia i ka nawaliwali ka mea nana 1 hoonoho aku iaia iloko o kona home, aole nae he nawaliwali ikaika loa. Pela i loaa ai ka manao he mea pono oia e hoomaha loa no ekolu . makahiki, a e hoi aku ana oia a noho paha i Arizona a i ole i Colorado vno ka hoomaha ana. Ua manaoia e loaa ana iaia ka ikaika hou ma kekahi o ia mau wahi oiai o na wahi ia i kupono i kona olakino, Aka nae, o kona waiho ana i ke kulana kahu no ka Ekalesia o Kaukeano he mea ia i minamina nui loa ia e na hoahanau o ka Ekalesia Aole e hoi koke ana o Mr. Sylvester no Amerika. Ua hoohala aku oia ma Wakiawa no ka hoao ana i kolaila ea.