Ka Nupepa Kuokoa, Volume XLII, Number 19, 10 May 1907 — MAKE MAMUA O KA HOEA ANA AKU I KA HALEMA'I. [ARTICLE]

MAKE MAMUA O KA HOEA ANA AKU I KA HALEMA'I.

Ma ka hora 5 a oi o ke ahiahi o ka Poaha aku nei i hala, i loaa aku ai kekahi haole Kelemania ia J. A. Rath, ua aneane e make maloko o ktkahi hale hoolimalima ma ka'e 0 ka mahi laiki mahope aku o ka Hale Kaawai o Kapalama. Ua hoike mai la ua Kelemania nei i kona inoa, oia o l»arkhurst, a he 68 lioi ona makahiki ke kahiko. Ua kelepona mai la o Mr. Rath i ka Mea Malama Ma i e hele koke mai, a oiai no hoi oia i kauoha aku ai i kana wahine e hoomakaukau i mau mea ai na ke kanaka ma'i. Iloko nae o keia manawa i ktleponaia aku ai o Kauka Pratt ame McDonald. I mea e hiki aku ai ka mea ma'i no ka Halema'i, ua hookauia aku la oia maluna o ke kaa, a mamua o ka hoea ana aleu i ka Halema'i, ua make loa iho la oia. Iloko o keia ma'i o keia haole aole he mea mawaho ae ona e hiki ai ke nana mai i leona mau pilikia apau. He haole loihi no keia o ka noho ana ma Honolulu nei, a no ewalu makahiki, ua noho kiaipo oia no ka mahiko o Waipahu, Ewa.