Ka Nupepa Kuokoa, Volume XLII, Number 19, 10 May 1907 — MARE MA KA LUAKINI O KAWAIAHAO. [ARTICLE]

MARE MA KA LUAKINI O KAWAIAHAO.

Ma ke ahiahi o ka Poaha aku nei i hoohuiia ae ai e ke Kahu o ka Ekalesia o Kawaiahao H. H. Parker o Mr. J. H. Jones ame JUliette Bush ma ka berita o ka mare: imua hoi o na hoaloha wale no ilua i hoea ae malaila, oia o Mr. ame Mrs. D. L. Peterson. Ua malamaia keia mare me ka maluhia loa mamuli o na mea i hoomaopopoia no ka nui ole o ko laua mau hoaloha i hiki aku. He mau opio no keia a elua i kamaaina nui i ko ke kulanakauliale nei ,oiai aia kahi hana o Jones ma ka halekuai o Makanani a o Juliette hoi, ugu noho hana oia ma ke ano he kaikamahine kakaupokole maloko o ke Keena o Loio Perry. E hoohalaia ana he mau pule elua e laua ma na kuaaina, no ka hoau ana i ko laua mau la mua o ka noho mare ana, a mahope aku o ia manawa e huli ai laua no ke kulanakauhale nei tio lea noho paa ana. Mahope iho nae o ka lohe ana o ko laua mau hoaloha no keia mare ana, ua haawi mai la lakou i na hoomaikai ana no keia leulana o laua.