Ka Nupepa Kuokoa, Volume XLII, Number 19, 10 May 1907 — HOAO E ALAKAI HEWA I NA WAHINE PANIOLO OPIO. [ARTICLE]

HOAO E ALAKAI HEWA I NA WAHINE PANIOLO OPIO.

Ma ka haawiia ana ae o ka lohe i ka Oihana Makai o ke Kalana o Oahu ame ka Papa Hoopae Limahana e pili ana i kekahi hana lapuwale i hoaoia ae e hoohihia wale aku i na wahine opio Paniolo iwaena o ka poe limahana i laweia mai nei i Hawaii nei no ka hana iloko o na mahiko; a o keia mea oia no ka lioao ana ia o lakou e komo iloko o na hana haumia. Ua loaa na hooniaopopo i ka pipili mau ia o ke kahua {īoopae limahana me kekahi o na wahine Poko Riko lapuwale o Iwilei a hoao e hoowalewale i kekahi poe wahine opio Paniolo iloko o na hana ku i kja haumia e like me kekahi poe o lakou e lawelawe nei. I mea e hoohei ai i ko lakou noonoo ua hele aku keia poe waliine Poko Riko me na aahu nani ame na mea makamae maluna o ko lakou mau nui kino a he hulali hoi kau ke nana aku me na komolima pu no hoi e hulali ana ma na manamanalima me ka hoonakeke pu aku me ke dala he mea hoi ia e hoowalewale ana i keia poe wahine hou i mea e hei mai ai a komo iloko o na hana ino. O kekahi mea i maalahi ai ka hoowalewale oia no ka makaukau o keia poe Poko Riko i ka olelo Paniolo, a i ka wa e kukaiolelo ai aole e nele ka hololea o na hooholo manao ana. Eia nae i ka wa no i ha'iia ae ai keia lohe i ka Oihana Makai oia fr»o ka manawa i makaala kokeia aku ai ka imi pono ana i keia ino he >nea hoi e oki pu ana ia ino. Lapuwale ona lapuwale, wahi ake Ka"huna ua pau loa na mea i ka lapuwale, a o keia kekahi o ua mau lapuwale la. E makaala mai ka oihana makai e pono ai. , i