Ka Nupepa Kuokoa, Volume XLII, Number 20, 17 May 1907 — NA LE'ALE'A O HILO, HAWAII. [ARTICLE]

NA LE'ALE'A O HILO, HAWAII.

HILO, Mei 9. —Ma ka auwina la o ka la Sabati ae nei e paani ai na Hui kinipopo pekuwawae o Hilo ame Hakalau ma ka Paka Mooheau, a aia no hoi he paani e malamaia aku ana mawaena o ko Hilo nei ame ko Honolulu ma ka la 4 o lulai, a ke hoomakaukau nei ka poe paani. , Ua haawi ae nei o C. C. Kennedy he kiaha o $75-00 no ka paani kinipopo pekuwawae mawaena o na Hui o H'ilo me ko Honolulu, e paaniia aku ai ma ka la 4 o lulai ae nei, o ka hui e lanakila ana no elua manawa e lilo loa ke kiaha ia hui. He kiaha maikai keia a e lilo ana hoi i mea na ka poe paani e hooikaika loa ai i mea e loaa ai keia makana. Eia ke hoomaka nei ke koho balota ana i ka mea makahehi loaia ma ke kinipopo iwaena.o na hui kinipopo e paani nei. Ma ka heluia ana o na balota ma nehinei i ikeia ai ka loaa ana ia Mr. E. P. McCann he 11 mau balota oi mamua o kekahi mau hoa paonioni ona. O ka poe mawaho ae ona e alualu nei i keia hanohano o Easton, 1; O. Akau, 4;'Brickwood, 4; A. OHveria, 2. Eia ke hoolalaia nei kekahi manao e hoomau aku i ka paani ana a loaa hou he eono paani ana i koe e kela ame keia hui pakahi. He ohoīiia ke kulāna o keia manawa mua o ka paani ana, a ina e hooloihi houia aku ana, alaila e komo loa aku ana i ka mahina o Okatoba, alaila pau keia kikina paani.