Ka Nupepa Kuokoa, Volume XLII, Number 20, 17 May 1907 — NA MALIHINI AHAOLELO NO KA MOKUPUNI O MAUI. [ARTICLE]

NA MALIHINI AHAOLELO NO KA MOKUPUNI O MAUI.

Mahope koke iho o ke kani ana o ka hora o ka po o ka Poalua nei i haalele iho ai na malihini mai nei o ka Ahaolelo o Amerlka Huipuia maluna O ka mokuahl Ciaudine no ka holo ana aku i ka mokupuni o Maui. He hapa wale no nae o ua mau malihini la ka i kau aku ua ka mokuafci hoio pili aina; a o kekahi hapa, ua{ hala e aku ma ka mokuahi Mexican no Kahuiui. E hoohalaia ana kekahi mau la e ka makaikai ana i ka aina, a ma ka po o ka la apopo e haaiele iho ai lakou 1 ka moku o Kama a holo loa aku e ike i ka home o ka Madame Pele ma ka mokupuni o Hawaii. O na kamaaina i ukali pu aku me na maiihini: o ka Elele Kalanianaole, F. M. Hatch ame L. A. Thurston. Ua iehau ka uwapo i ka poe makaikai o uka aku nei o ka aina, no ke ake ana e ike i ka holo ana aku o na malihini ma ka lakou huakai makalkai. Ilaila pu ae no hoi ka Bana Puhiohe kahi i paani no ka hoohanohano ana i ka lakou huakai. Ua hoouna pu aku nei no hoi ke aupuni i kekahi mau koa maialo o ke

ana a Lukanela elua A. W. Neely no ke kokua ana i na malihini ma ke kukulu ana i mau halelole no lakou e noho al ma ka piko o ke kuahiwi o Haleakala. E hoohalaia ana he hookahi po e lakou iha Haleakala, a o keia mau kanaka o ke aupuni ka poe na lakou e hoolako i ko lakou mau mea hemahema.