Ka Nupepa Kuokoa, Volume XLII, Number 21, 24 May 1907 — KA ILAMUKU NE. [ARTICLE]

KA ILAMUKU NE.

Ma keia helu e puka aku nei i pulelo aku ai ka moolelo o ka Hele Malihini ana i lapana" a ma kona makalua e hoopukaia aku ai ka moolelo o Ilamuku Ne, kekahi o na Kenerala nui o Emepera Napoliona a kakou i heluhelu nui iho nei me ka hialaai nui, a makou no hoi e manaoio nei i ka nele ole o ko Ne apo olīaohaia mai e like nie ko Napoliona apo ohaohaia ana. E hoopukaia aku ana keia moolelo o Ne ma keia pule ae a iloko no o kona mau anoai e maopopo ai ia kakou ka oiaio o ke kau ana o ka inoa hoohanohano a kona Emeperk i k.au aku ai maluna ona, ka inoa hoi e o nei a puni ke ao holookoa—"llamlīku Ne, ka Wiwoole o na Wiwoole." Heaha la ka manao o keia inoa ka "Wiwoole o na Wiwoole." Eia. Aia he nui o na koa wiwoole iloko o Palani ame na aupuni.e ae oloko o Europa iloko o ke au o Napoliona ame Ne, he.poe hoi 1 ikeia ko lakou wiwoole maloko o na kahua kaua, aka o ka oi loa aku o ka wiwoole iwaena o keia poe wiwoole lehūlehu, oia no ka Ilamuku Ne wahi a Emepera Napoliona ka mea nana i kapa aku i keia inoa hanohano a kaulana maluna o Ne. Alaila, he mea ia e hoike ae ai ia kakou he moolelo aku la kona o ka wiwoole, a o ka heluhelu moekahi ana i ua moolelo la ona e loaa ai na hoomaopopo ana i ka pili io o ua wiwoole pookela nei i ke kanaka koa Palani. Me ka lana o ka manao e apo ohaohaia mai ana o Ilamuku Ne, ka "Wiwoole o na Wiwoole." Ke hoomanao hou aku nei makou ia kakou o ke kulanakauhale nei o Honolulu e malama i ka maemae o ko kakou kulanakauhale, ma ka makaala ana i na opala o ko kakou mau wahi iho ame na opala owaho ona alanui i pili i ko kakou mau wahi iho. O ka maemae o ke kulanakauhaje oia no ka maemae o na alanui aupuni ame na pahale ame na wahi like ole e ae, a oia no hoi ka mea nana e hoike ae he poe ake maemae kakou. E kiola ina opala miiloko.o na pahu a puhi aku i ke ahi. y .