Ka Nupepa Kuokoa, Volume XLII, Number 21, 24 May 1907 — KE KAHU HOU O KA EKALESIA KRISTIANO. [ARTICLE]

KE KAHU HOU O KA EKALESIA KRISTIANO.

Ma ka halawai o ka Ekalesia Kristiano ua hanaia iho la he palapala kahea no Mr. A. C. McKeever o Fresno, Kaleponi, no ka hoo piha ana i ka makalua i hoohakahakaia ma ka waiho ana mai o ke kahii Mr. G. D. Edwards, he waiho ana hoi i aeia aku. Ua waiho o Mr, Edwards i ka hana mamuli o ke kaheaia ana mai ona no kekahi hana i makemakeia oia ma Amenka. Ua noho kahu no o Mr. McKeever no ka Ekalesia Kristiano o' Fresno no kekahi mau makahiki, a oia hoi kekahi o na Ekalesia ano nui oloko o ia kulanakauhale. oia no hoi ka Ekalesia nui hookahi o ia hoomana maloko o Kaleponi. He kanaka no hoi oia i noho p'oo ma kekahi mau hana misionari malaila a o kekahi oia no kona noho lunahoomalu ana no ka papa hoike kakau o ke Kula Baibala ma Berkeley. He keonimana oia i makaukau maoli a he ikaika kona noonoo, a he ikaika ma na hana pono, a he hoakūka naauao a he oluolu no hoi. E hoea mai ana oia i Honolulu nei ma ke ano he malihini maopopo no ka mea aole he nui o ka poe i kamaaina oloko o koonei Ekalesia iaia. O kona inoa no ka i nooono nuiia a mahope oka hoomaopopo ana ua haawi mai la o Mr. McKeever i kona ae. He mau la kali wale aku no keia o kona hoea mai a o keia no hoi ka manawa e liuliu nei o Mr. Edwards no kona hulihoi aku.