Ka Nupepa Kuokoa, Volume XLII, Number 21, 24 May 1907 — MAKE KE KAIKUNANE O MAKUAHINE KAKELA. [ARTICLE]

MAKE KE KAIKUNANE O MAKUAHINE KAKELA.

Ma na lono i hoea mai i Honolulu nei, i hoikeia mai ai ka make ana o ke kaikunane o Makuahine Kakela ma ka Poaha aku nei o ka pule i hala ma Brownwood, Texas. He kaikunane keia mea i make mai la, a o ka mea hookahi i noho i ola hope mai mailoko mai o.ka ohana pili ponoi loa o ka Makuahine Kakela i make aku nei. He elua makahiki kona opiopio mai ia Mrs. Marv Kakela mai, a he kahunapule kana hana ma Texas, mahope mai o ke kanalima 0 kona mau makahiki, a iloko no hoi o ia manawa i hele aku ai oia no keia w r ahi ma ke ano he Misionari. Ua hoea mai keia lono kaumaha no kona make ana ma ke kelekalapa ia L. Tennev, kekahi o kona ohana e noho nei ma Honolulu nei.