Ka Nupepa Kuokoa, Volume XLII, Number 22, 31 May 1907 — HE POHAKU MAKAMAE I MALAMAIA NO NA KENEKULIA EONO. [ARTICLE]

HE POHAKU MAKAMAE I MALAMAIA NO NA KENEKULIA EONO.

New York, Mei ii\—Me he mea la aole loa kekahi momi i ikeia maanei mamua i oi aku o ka hialaaiia elike me ka pohaku i kauia ma ka papale kapu o Kang Yu Wei, ke kuhikuhi puuone mua a ka Emepera 0 Kina. Ua hoea mai o Kang Yu Wei me kana kaikamahine ma ke ano he mau malihini ma kekalli paina i haawiia ma Waldorf. Na kona lole anaanapa e hoike okoa mai ana no oia kekahi o na luna aupuni o ka papa kiekie, a pela no hoi me na mea hoonani maluna o kona koloka. 0 na momi ano e a kana kaikamahine e kau ana. ua lilo lakou i mau mea ole ke hookukuia aku me ka momi e anapa ana mamua o kona papale kapu ame na pihi momi maluna pono a'e. 1 ka hui pu ana me na wahine Pake e a'e o na kulana kiekie, ka poe hoi i ikeia ma ke akea ma keia aina elike la hoi me ke kaikamahine a Kang Yu Wei, ka wahine mare a Wu Ting Fang. ua wehe oia i kona lole Pake, a komo rpai la oia i kekahi lole bolu nani, a maluna wale iho la no o keia lede ke kau nui ana o ka nana ana a na malihini e a'e a hiki wale n6 r ka mānawa i hoomaka mai ai ke kamailio ana. 1 He Peresidena nui o Kang Yu Wei no ka Ahahui Kumukanawai o ka Emepaea o Kina. a eia oia ke kaapuni nei i ka honua no ka pono o ka Emepera. Ua loaa iaia na manao hou, ake pili pu nei oia me ke laupuni ma ke ano e hooi a'e i ke ano holomua o ka hooponopono aupuni ana me ka hoouluulu oleia o ka manao hakaka iloko o ka Emepera wahine. | Ika manawa i ninauia aku ai o Kauka P. C. Chen, ke kauka pilikino 0 ua luna aupuni kiekie la, ame kana kakauolelo C. S. Lim, he mea i ■puka pono mai, mai-ke kula nui mai o Harvard, i ka moolelo e pili ana 1 kela pohaku momi ano e, ua olelo mai la o Mr. Linn, he eiwa wale no pohaku o kela ano e loaa ma ke ao nei, a o kela pohaku e kauana ma ka papale kapu o Kang Yu Wei, ua malamaia ia e kona ohana no na kenekulia eono, a ua hoomaikaiia hoi e ia ma kc ano oia kana waiwai makamae loa malalo o kona malu.