Ka Nupepa Kuokoa, Volume XLII, Number 22, 31 May 1907 — HE NIKA AIHUE LIO. [ARTICLE]

HE NIKA AIHUE LIO.

O kekahi o na hihia i hoea aku īmua o ka Aha Hoomalu a Lunakanawai Whitney i ka Poalua o kela pule aku nei i hala, o ia no ka hihia o Joe Everett he Nika no ka aihue ana i ka lio o kekahi Pake. He mau la ka hoopaneeia ana o keia hihia a ua lawe houia mai he hihia ku-e ana iaia mamuli o ke kauoha a ka lunakanawai no ka hoike wahahee, a ke paa nei ia hewa maloko o ka buke hoomanao o na hihia a ka oihana makai. He manawa pokole wale a'e nei no i hala i hoea a'e ai o Everett imua 0 na aha hookolokolo no ka powa ana i ka pahu waiho elala o ka hale murama o Scully & Grimes, a o keia hihia iho la hoi no ka aihue ana 1 ka lio o kekahi Pake e lawelawe oihana nei ma k'e alanui Nuuanu. Mahope iho o kona hoopaaia ana iloleo o ka hale paahao no kekahi mau la, ua hoike mai la oia la Makaikiu Taylor, ua makemake oia e ike i kekahi mau kanaka elua ana i manao ai i mau hoike no ke ku pale ina iaia. Ua hoounaia aku ua mau kamka la, a mahope mai o īa manawa ua ffceia a'e la, ua h'aawi aku oia he ekolu dala ame ekolu hapaha i ka hookahi o laua, oia wale no īioi kana mau dala ia manawa e hele laua a hoohiki aku i ko laua ike ana i ke kuaiia ana o ka lio e oleloia nei mai kekahi kanaka Aukekulia mai e noho nei iloko o keia kulānakauhale, a niamuli o keTa Hana ana a ua Everett nei i lawe hou ia mai ai keia hewa e ku-e ana iaia.