Ka Nupepa Kuokoa, Volume XLII, Number 22, 31 May 1907 — UA MAIKAI NA LIMAHANA PUKIKI I HOEA HOPE MAI NEI [ARTICLE]

UA MAIKAI NA LIMAHANA PUKIKI I HOEA HOPE MAI NEI

Ma ka manawa i hele iho nei o Lunanana Limahana H. C. Brown ma na mahiko o Hawaii nei no ka nana ana i na kulana o na mahiko e h«ma ai īnaluna o na limahana Pukiki i hoea mai nei maluna o ka mokuahi Suveric, ua hoole ae oia i ka hoike akea maoli ana ae aka ua loaa mai na lono ua apono loa ka lunanana ma na mea i loaa aku iaia. La maikai pu no hoi na manao ame na noonoo o na Hmahana Pukiki no na mea i hanaia aku maluna o lakou e na mahiko a hfe uuku loa na lioohaalahala i pu-a ae. A ma ka aoao hoi o na mahiko ma o na lunanui la ua lawa no hoi ko lakou makemake no keia mau limahana no ka mea ua hoike ae lakou o na limahana o ka Suveric i hoea mai nei he poe hana maikai lakou a he poe ikaika ma ka hana. A e oi aku ana ko lakou waiwai nui i na mahiko ke maa aku lakou iloko o ka lawelawe ana i na hana ponoi o ka mahiko. A maluna hoi o na mahiko limahana Kepania o ka mokualii Heliopolis e noho hana mai nei ma na mahiko o Oahu nei ua loaa i ko lakou mau lunanui ka olioli no ka maikai o ua poe limaliana nei ame ko lakou ikaika i ka hana. Ua hoike mai na lunanui o na mahiko o Waialua. Honolulu ame Kahuku i ka Papa Limahana no ka oi ae o ka ikaika hana o na Kepania mamua o na mea i manao muaia aku no lakou.