Ka Nupepa Kuokoa, Volume XLII, Number 22, 31 May 1907 — HE KANAKA HAWAII ME KANA PEPA NOI DALA. [ARTICLE]

HE KANAKA HAWAII ME KANA PEPA NOI DALA.

Ua hoikeia a'e kekahi lohe i ka lioea ana aku o kekahi kanaka Hawaii nia ke awawa o Manoa me kekahi pepa noi dala, ana hoi e olelo ana, he pepa noi dala ia i mea e kukuluia ai ka halepule hou ma Wailau. Molokai. O ka pepa noi dala a ua kanaka la e paa ana, e olelo ana ia, ua aponoia ka hoahu ana i ua waihona la e na Kaliunapule Doremus Scudder ame O. H. Gulick. Aia pu no hoi maloko o ua pepa la he mau inoa lehulehu o na kanaka ana i kolohe ai me na huina dala mai ka hookahi dala aku a hiki i ka elima dala. apono aku paha i kekahi o keia mau hana maloko o ka lima o ke kanaka la no hoi, he kahunapule oia i pau, a i kipakuia mai, mai kona ekalesia mai. Aole keia oka mua loa oka hana kolohe ana a keia kanaka, aka ua hana no oia i kekahi hana o keia ano mamua. O ka mea maopopo, aole o Scudder, a o Gulick paha, i apono, a e apono aku paha ikekahi o keia mau hana maloko o ka lima o ke kanaka elike me keia ke ano. Ina e halawai aku ana keia kanaka me kekahi mea a noi aku i na kokua manawalea, he mea pono e hoikeia aku ka lolie i ka oihana makai, me ka hoike pu ana aku no hoi i kona wahi e loaa ai.