Ka Nupepa Kuokoa, Volume XLII, Number 22, 31 May 1907 — KAUOHA IA KEKAHI MAU HALE MA IWILEI E HOONEE. [ARTICLE]

KAUOHA IA KEKAHI MAU HALE MA IWILEI E HOONEE.

E hoea mai ana he loli ma na kulana e loaa aku ana i ka apana o Iwilei ma keia mua koke iho, oiai ma ke kauoha a ka Oihana Makai, e hooneeia aku ana kekahi mau hale eha e ku nei ma ke alanui Iwilei.. oia hoi na hale e pili kokoke mai ana i ke kulanakauhale nei. Ua loaa mai keia manao ana no ka lioonee i keia mau hale, mamuli o ka maalo mau ana o na wahine ame na kamalii ma keia mau wahi kupono ole, ia lakou e hele ai ma ka lakou hana iloko o ka hale hana halakahiki. Ua hoikeia aku ka lohe i ka poe apau e noho nei iloko o keia mau wahi e haalele, a e huli hou aku i wahi no lakou e noho ai, oiai ke kokoke loa mai nei ka manawa e hoomakaia ai na hana o ka hale hana halakahiki, a oiai. he manawa loihi no ia e kakali aku ai a hoea mai ia manawa, nolaila e loaa ana he mau kulana maikai maloko o ka apana o Iwilei. f *'Ui I ka manawa i haawiia aku ai o kauoha no ka hele ana aku o ka poe e nolio nei ma keia mau wahi e huli i mau wahi hou no lakou e noho ai, aole i ku-e wale mai na wahine e noho nei no keia kauoha.