Ka Nupepa Kuokoa, Volume XLII, Number 22, 31 May 1907 — ILI KA MOKUAHI CLAUDINE MA KA NUKU O KE AWA A HEMO HOU. [ARTICLE]

ILI KA MOKUAHI CLAUDINE MA KA NUKU O KE AWA A HEMO HOU.

Ma ka hoopuka ana a ka mokuahi Claudine 110 waho o ke awa ma ke ahiahi o ka Poalima aku nei i hala. no ka holo ana ma kona mau awa maa mau no Miaui, ua ili aku la oia ma ka nuku o ke awa a'e nei a mamuli no o kona hoao- maoli ana me kona enekini, ua hemo aku la oia me ka poino ole, a ; hoomau aku la no kana huakai. I ka manawa o ke Claudine i ili ai, aole ia i lilo i mea na na ohua e ai, a pela no hoi me na alii moku apau mai ke kapena a na luina. Ua hoouna kokeia mai kekahi waapa no uka nei oka aina no ka hoike ana mai i ka loaa ana o ka mokuahi i ka pilikia, aka na'e, ua ike e aku ka poe o ka aina nei i ua pilikia la, a ua holo koke aku o Kapena Clark ame kekahi mea kakau o ka Xupepa Advertiser no ka halewaapa o na hoahanau Young, a kau aku la maluna o ka waapa mokuahi no waho o ka moku poino. O Jva hana mua loa a Kapena Clark i hana ai, oia no kona kuka pu ana me ka wiliki, ina paha ua liu ka moku, a o ka pane i loaa mai, aole. Nolaila ua hele aku la oia e hui pu me Kapena Parker no ke kuka pu ana i ka mea pono e hana aku ai i pau aPkeia pilikia. Ua laweia aku la he kaula a hoopaa i ka boe Spar, ma kahi he 700 kapuai mai ka moku aku, a o kekahi piko no hoi o ke kaula ma ka aoao mamua o ka moku, a o ka hoomaka koke iho la no ia i ka huki ana. Ua piha ka hapalua hora okoa ia hukiia ana, oka hoomaka mai la no ia o ke Claudine e nee malie, ma ka iniha hookahi ka'nee i kela ame keia manawa, a aole i lfuli'u iho ia kulana nee o ka moku, ua alu mai la ke kaula, aole mamuli o ka hemo ana o ke Claudine, aka mamuli o ka hemo ana mai o ka boe, a no4aila, ua mau iho la no kapaa 0 ka moku i kahi i ili ai. Ua hōoholo iho la no na kapena o ka mokuahi e hoao no i ka enekini o ka moku, malia no hoi o liemo no ma ia hoao ana. X'o na minute he umi-kumamalima ia hoao ana, aole he wahi mea a ike ia aku 0 ka nee imua, a oiai e hoomakaukauia ana no ka lawe houia ana aku o kekahi laina hou e hoopaa, ua oni malie aku la ke Claudine a o ka hemo aku la no ia. O kekahi mea nana i kokua nui mai i keia hoao ana e hemo ka moku, mamuli o ka pii ana mai o ke kai ia manawa. Ua nokeia i ka nana ka rumi o ka enekini i na paha he kai kekahi 1 komo mai, aole na'e i ikeia. a nolaila ua hooholo iho la no na kapena Clark ame Parker e hoomau aku i ka holo ana a ke Claudine 110 Maui. Ua holo pu aku no o Kapena Clark me ke Claudine a hiki i Kahului, a kau mai ma ke Kinau hoi loa mai no Honolulu nei. Penei ka lohe i ke kumu o ka ili ana o ke Claudine, elike me ka hoike a ke Kapena o ka mokuahi: "E hoopuka aku ana no makou elike me l<a mea maa mau, a mamua 0 ka hoea ana aku i ka boe Spar e mo-ku mai ana kekahi waapa Kepani mamua pono mai o ua boe la, e moe pololei mai ana imua o ka moku, a i ka. nana aku no hoi, ua kohu boe Spar, a ua kuhihewa au, i ka poe hope loa e hoohuli la 110 waho o Daimana Hila." Ua ike kōke iho la no na'e au i ko'u kuhihewa a kauoha aku la e hoohuli i ka ihu o ka moku i ole e hookui aku me ka waapa Kepani, a ma keia hoaui ana, ua nui loa a o ka ili koke aku la no ia." O keia wahi a ka Mokuahi Claiuline i ili aku la, o kahi no ia i ili ai o ka mokuahi Kepani Cbiusa Maru iloko o kekahi mau mahina eono 1 hala a'e nei, a i na aole keia waapa Kepani, malaila, ina aole no e loaa keia ulia i ke Claudine. Ua kaa ka ike mua ana i keia kulana ili o ke Qaudine ia Kapena Haglund iaia e noho ana mawaho o ka lanai o kona nale ma Puowaina, a ike aku i ka puka ana o ka mokuahi iwaho a hiEi i kona ku ana i kahi hookahi me ka naue ole. Ua kelepona koke mai la oia ia Kapena Clark ame na kapena o na mokuahi Maunaloa ame Helene. He manawa ia no na kelepona e kani ana ame na kaapio e hi-o ana no ka lawe ana mai i n\ kanaka no luna o na mokuahi e ku ana iloko o ke awa nei iloko o ia mana\ya, a oiai e kali ana a hiki i ka makaukau pono ana no ka puka aku o ka Maunaloa ame ka Helene e kokua i ka mokuahi poino, ua ikeia aku la ka pulelo ana aku a ua mokuahi la, a iloko o na minute he iwakalua, ua nalowale aku la oia ma o o Daimana Hila.