Ka Nupepa Kuokoa, Volume XLII, Number 22, 31 May 1907 — NA HUAOLELO HOPE A KEKAHI O NA MALIHINI AHAOLELO NO HAWAII NEI. [ARTICLE]

NA HUAOLELO HOPE A KEKAHI O NA MALIHINI AHAOLELO NO HAWAII NEI.

Ma ka po o ka Poalima nei i huli hoi aku ai o Edmund Y. Webb, kekahi o na malihini Ahaolelo maluna o ka mokuahi Doric mamuli o ke telegarapaia ana mai iaia no ka ma'i o kana alii wahine. Mamua o kona huli Hoi ana aku la, ua olelo a'e oia i keia mau olelo elike me ia malalo iho nei: "Aole a'u huakai nana i Hoohauoli mai ia'u elike me keia huakai a'u i holo mai ai no Hawaii nei, a ke minamina nui nei au no kokeia ana mai nei e hoi. aka nae, he mea pono no ia'u ke huli'hoi aku no ka ma'i o ka'u wahine. "Ua hiki loa ia'u ke olelo a'e me ka maka'u ole, ma keia kau a'e 0 ka Ahaolelo e noho mai ana ua loaa ia Hawaii he iwakalua mau poe na lakou t e kiai pono i kona mau pono maloko o ka Ahaolelo makua i 01 loa a'e ka makaalaia o kona mau pono mamua o kekahi mau manawa i hala a'e nei, "Ua hookahaha loaia mai au i ke kupono maoli o na noi a ko oukou poe i hoike'mai ai ia makou, a o ua mau noi la aole a'u mea i ike ai e hiki ole ai lakou ke hooko oleia a e apono oleia mai ai e ka Ahaolelo i ka manawa e noho mai ai. O ka ike maka maoli ana iho nei a na kanaka o ka 'Ahaolelo Makua i na mea ma HawAaii nei me ko lakou mau maka ponoi, oia auanei ka mea nana e kauoha aku ia lakou e ku maluna o ka papahele o kela hale a haawi i na kokua ana no Hawaii nei. ika manawa e hookomoia mai ai na'bila. O keia ka mea nana e hoike aku i kekahi mau hoa e aku o ka ahaolelo ua pololei ka makou mau mea e kamailio ana mamuli o ko makou ike maka. "Ke minamina loa nei au no ka loaa ole he hoa o ka Aha Senate iwaena o keia mau malihini, aka na'e aia he iwakalua mau mokuaina, i lawa me na kanaka he iwalelua e hoike aku no ke Teritore o Haw r aii nei a na keia poe no auanei e hoike pakahi aku i ko lakou mau puulu me ka loaa o ka nanaia mai. "Ia makou i holo mai ai no Hawaii nei, ua manao kekahi poe o makou e halawai mai ana lakou me na kanaka o ke au pouli, aka ua hookaliaha loa ia makou elike me na mea a makou i ike maka ai, e hiki ole ai hoi ia makou ke poina. Ke lawe nei au ia Hawaii a noonoo ma ke ano oia ka lua mai mahope o ko'u Mokuaina ponoi mai keia manawa aku a'u e kamailio nei, a e hooikaika no auanei au ma na ano apau e kokua 1 ko oukou aina nani"nō kona holomua."