Ka Nupepa Kuokoa, Volume XLII, Number 22, 31 May 1907 — KA HAE HAAWIPIO A KENERALA LEE. [ARTICLE]

KA HAE HAAWIPIO A KENERALA LEE.

Maloko o kekahi leta i hoopukaia ma ka la 9 o Apenla, ka piha ana hoi o na makahiki he kanaha-kumamalua o ka hoomanaoia ana no ka haawipio ana o Kenerala Lee, ua olelo a'e ka nupepa Indianapolis News penei: _ "Eia kekahi wahi moolelo i kakau oleia ke kau nei ma ka. paia o ka home o ka mea nana i kakau, maloko o keia kulanakauhale, i hanaia me ka maiau mahope mai o ke aniani. O ua mea la, he kawele nona ka loa o elua iniha a he hapa iniha ke akea. He wahi apana keia no ke kawele keokeo i hooliloia i hae no ka hoike ana aku i ka manao haawipio o Kenerala Lee. Iloko o ia mau la, aole he nui o na kawele ma'ema'e, aka ua lawa no na'e keia i ka hoike ana aku he hae keokeo ia. • Ua loaa aku keia hae haawipio mawaena o na pualikoa elua ia Kenerala Custer, ka mea e alakai ana i ka pualikoa kaulio, a nana i malama ma ke ano he mea hoomanao. He mau la mahope mai o kela haawipīo ana, ua hoouna mai la oia, i ua hae la i kana wahirtfc e noho ana i Wakinekona ia manawa. a a nana i haawi mai i ka apana a ka mea kakau e paa nei i keia manawa, i okiia mai kekahi kihi mai o ka hae. ! He mau makahiki lehulehu mahope mai o kela kaua, ua haawi aku la o Mrs. Custer i ua hae la no kekahi hoikeike i malamaia ma Bosetona, ā ua ume nui aku ia i ka manao o na mea apau. He nui. wale na ninau i nokeia i lea ninau no kahi i lild aku ai o kekahi apana o ua hae la, a o ka weh'eweh'e ana, ua hoikeia maloleo o lea nupepa o Bosetona, oia hoi ua okiia e Mrs. Custer a haawiia 1 kek'ahi hoaloha ona, he mau Ia mahope iho o ka loaa ana mai o ua hae la iaia.