Ka Nupepa Kuokoa, Volume XLII, Number 23, 14 June 1907 — KA NAITA HELENI. [ARTICLE]

KA NAITA HELENI.

Aia a puka aku keia mau helu ae o ke Kilohana nei oia ka puka ana e pulelo ai ka moolelo o ka Hoku o Kokawela, ka nanea hoi nana i hooni mau aku i na puuwai o ka poe heluhelu o ke Kuokoa nei a makou no lioi e hauoli nei i ka lilo o ia moolelo i mea nakaliehi nuiia e ka poe lieluhelu a makou no hoi e ike pu iho ai i ka lioowaiwai o ia moolelo no ka mea he nui na haawina a o maikai iloko o ka nee ana oia moolelo. Aka, i kona pulelo ana e puka aku ai ma kona makalua ka moolelo o ka "Naita Heleni" ka mea i ikeia ka olali a kae'ae'a hoi o na lalani mauna o Nawara. He kanaka opio u'i keia i ikeia ma ke ano he opio o ke kulana haahaa a mamuli o ka lilo ana o kona puuwai i ke aloha i ke kaikamahine a ke Duke oia aina i ikeia kona wahine u'i a lilo ka hoohihi o na kanaka opio e ae o ia mau wahi nona, ua hiki ole nae ke lilo mai iaia i hoa nona ma ka berita mare mamuli o ka haanaa o kona kulana. Aka, e like no me na kanaka opio i nohoia ko lakou puuwai me na noonoo o ke kulana kanakamakua ame ke ano keonimana ame ka wiwoole ame ka maka'uole, ua ka aku oia i kona ala e pii ai a loaa ke kulana naita kiekie loa me ka oi o kana pahikaua e boohanaia ana e kona mau lima opiopio wikani o ka ikaika lua ole a e hooniia ana ina. ka noeau ame ka hikiwawe o ka nee ana o kona makaukau kakapahi. O keia "Naila Heleni" e puka aku ai oia kekahi o na moolelo maikai loa a ke Kuokoa e hoopuka aku ai a makou e kanalua ole nei i ka i ae, e nele ole ana kona hookipaia mai e na hoa heluhelu o makou ,a e nele ole ana koua mahaloia mai. O ka makou no nae e kalele nei oia no ka hoomau ana i ka heluhelu ana i ole ai e maokioki ai a loaa ole ka moekahi o ka nee ana o ka inooielo a Oia no ka mea e ike ole ai i ka maikai o ka moolelo a oia no hoi ka mea e waiwai ole ai ka heluhelu ana o ka moolelo.. Ma ko makou aoao no nae, e hooikaika makou e hana e like me ke ano mau o ka lawelawe ana o ka oiliana hoopuka nupepa ma ke kulana kiekie oloko o keia au naauao e nee nei, a he mea oiaio aole e hiki e loaa ka liolomua ia makou ke ole e laulima pu mai kakou e ka lehulehu ma keia hana maikai o ka hoopuka nupepa a hoolaha manao akea aole no ka pono pilikahi aka no ka pono pililaula.

O ka maemae o ke kulanakauhale o kakou oia no ka makaala o na mea apau e hoomaemae i ko lakou wahi iho a mawaho o na pa ma ka pulumi ana i na opala ame ke kiola ole ia mau mea a lu wale aku paha no ka mea o ka houluulu ia lakou a hookomo iloko ona pahu a i ole ona lua ka hana pono e hana ai. Pehea oe i kou wahi?