Ka Nupepa Kuokoa, Volume XLII, Number 23, 14 June 1907 — LOAA MAI KE KAUOHA IANEI E HOOKUUIA KEKAHI WAHINE KKPANI. [ARTICLE]

LOAA MAI KE KAUOHA IANEI E HOOKUUIA KEKAHI WAHINE KKPANI.

Ma ke ku ana mai o ka Mokuahl Alameda i hoea mal ai o ka mea hou mai Amerika mai e kauoha mai ana e hookuuia kekahi wahine Kepani i manaoia ai e hopu e ke Aupuni maanei. Iloko o kekahi manawa 1 hala ae nel oiai na limahana Kepani i hoea m»i ai no Honolulu nei, ua mahuka aku la keia wahine Kepanl ma ka inoa o Asa Yano mai na luna aku o ka oihana hoopae iimahana mamua ae o ka hiki ana mai i ko iakou manawa e hoolelela ai nouka nei o ka aina. Ua hele aku la oia a mare me kekahi Kepani okoa aku. Ua hopuia oia mfthope mai i kona wa i ikeia ai a hoopa'iia no ka hewa moekolohe. Ua noho hana oia i ka hapa o kona hoopa'i ma Kawa, a ma ka Poaha aku nei o ka pule i hla, i ukuia aku al ke koena o kona hoopa'i ma ke dala maoli. Aole nae oia i hookuuia mai mamuli o ia ukuia ana aku o ka hoopa'i, aka, ua hopu houia aku la no oia me ke kakali ana a loaa mai na kauoha mai Wakinekona mai. Ma ke ku ana mal a ka Mokuahi Alameda i loaa mai ai ka lohe aole e hiki ke hopu hou ia ua wahine la, a no ia kumu ua hookuu la'eia'eia aku oia mahope koke iho o ka loaa ana mai o ke kauoha.