Ka Nupepa Kuokoa, Volume XLII, Number 25, 21 June 1907 — KA MAKANA IA AUGUST DRIER I HAAWI AI. [ARTICLE]

KA MAKANA IA AUGUST DRIER I HAAWI AI.

Ma ke ahiahi o ka Poaono nei i hoolaaia ae ai ka hale o ka Ahahui o na keiki o ke Kula o St. Louis i hemo e ku nei ma ke alanui Uniona. He hale keia i haawi makanaia aku i keia ahahui e August Drier kekahi o na kanaka kuonoono o keia kulanakauhale. Ua akoakoa ae na haumana kahiko apau o ke kula o St. Louis ma keia hoolaaia ana o ko lakou hale, na haumana o kekahi mau mokupuni mawaho aku o Oahu nei, ame ko Oahu nei no hoi. He mau ha'iolelo ka i malamaia e ke Kumupoo o ke Kula, ame kekahi mau haumana kaliiko, W. O. Smith ame Loio F. Thompson ka mea nana i hoomakaukau na hana apau e pili ana i keia haawi makana ana. He hale nui maikai keia i'hoolakoia me na hana hooikaika kino keia au hou, a i hanaia no hoi ma ke ano kupono loa no keia •ahahui', a e hoopunliia ana e kekahi aina akea e lawa ai na 'hana ihana hooikaika kino e malamaia ai mawāho o ka hale. O ke ano o keia makana i haawiia aku ai, aole ia ma ke ano waiwai maoli no keia ahahui, aka ma ke ano hoolimalimaa. Ua lilo aku keia hale i ka ahahui ma ka uku hoolimalima haahaa loa o $10 wale no o ka makahiki, a no ka manawa hoi o iwakalua-ku-mamalima makahiki ka loihi, a ina e pau ia mau makahiki, alaila e iho:ōlimaliina hou ia aku no ia lakou no ia mau makahiki no, a o ka hoolimalima hope no ka manawa o kanaha-kumamawalu mau makahiki. Ua hoomaluia ia anaina hoolaa e James L. Holt ka Peresidena 0 ka Ahahui a nana i wehe mua mai i ka hai'olelo e hoike mai ana 1 ka moolelo o ka hookumu muaia ana o keia ahahui ame ka makana i haawiia aku, me kona ihoike pu mai i na hoomaikai ana i ka mea nana ka makana, ma ka aoao o ka ahahui. Ua hoea pu ae no o Mr. Drier malaila a wahi ana, ua hauoli laa oia i kona ike ana, he mea kana e haawi aku ai i na kanaka opio o ka ahahui, a ua manao no hoi oia he hale keia nana e hoohauoli a e hoopomaikai nui aku i ka lehulehu apau, a mahope iho o ka pau ana o kana mau olelo pokole, ua haawi mai la oia i ka palapala e pili ana i ua waiwai la i ka Peresidena Holt o ka Ahahui. He nui a lehulehu kekahi poe i hoike manao mai mahope o keia mau mea mua a he mau ha'iolelo wale no e hoeueu ana i ka manao o na kanaka opio no ka pono ame ka holomua o keia <hanauna hou e nee aku nei imua.