Ka Nupepa Kuokoa, Volume XLII, Number 25, 21 June 1907 — UA OLELOIA AE NA C. COSTA KA I HOOLAKO AKU IKE KIANA PAUDA. [ARTICLE]

UA OLELOIA AE NA C. COSTA KA I HOOLAKO AKU IKE KIANA PAUDA.

Me he mea la e lilo aku ana ka hihia 0 na kanaka i hopuia ai no ka hele ana 1 ka iawai'a me ke kiana pauda i mea ano nui, no ka mea ua hoike ae ua mau kanaka la i ko laua hoolakoia ana aku me ke kiana pauda nana i ku-e 1 na kanawai o ke Teritori e Charles Costa, ka luna o ka halelio o ka oihana alanui. Ua hoike ae ua mau kanaka la i ko laua halawai ana me C. Costa ame ka haawi ana aku i ke kiana pauda no ka hoohana ana. A wahi no a laua i ka ' manawa e loaa ai o ka i'a, e haawiia ana kekahi i'a ia Costa a i kekahi mau kanaka hana alanui e ae no hoi e hul pu ana me ia iloko o ia manawa. Ma ka hoike a Sam Johnson ka Luna Alanui, ua kamailio aku no o C. Costa iaia e pili ana no kela mea e loheia nel no kona hoolako ana i keia mau kanaka me ke kiana pauda ma ke kakahiaka o ka Poalua nei, a ua hoole mai hoi oia i ka oiaio o ia mau olelo. Ua olelo pu ae no hoi o Sam Johnson, aole he malamaia o na kiana pauda ma ka halelio, a i kahi eli pohaku wale no e hoounaia aku ai na kiana pauda i ko lakou wa e loaa mai ai ma ke kuai ana. Ua haawiia'ke kauoha paakiki, aoie e malamaia na kiana pauda maloko o ka halelio. Ua hoouna aku oia no C. Costa, a ninau aku no na mea e pili ana no keia mea e loheia nei, me ka hoike pu ana aku iaia, ina e loaa aku ana ka mea oiaio e kaa mai ai ke ahewa ana maluna ona, alaila aole e loaa aku ana na kokua ana mai iaia aku. Ma ka Costa olelo, eia ke hana mau ia nei ka lawai'a ana me ke kiana pauda i na la apau ma Kakaako, a ua hoea aku oia ma kahi kokoke i keia wahi ma ka Poakahi mamua iho o ka manawa i hopuia ai kela mau kanaka. I kona manawa i ninauia aku ai v * pili ana i kona lawe ana mai i na i'a e haawiia mai ana iaia e na kanaka i paa ai i ka hopuia, ua olelo ae oia, he hookahi no ana manawa i lawe mai al he amaama hookahi mai kekahi mai 0 kona mau kanaka hana e hana pu ana me ia, a o ka poe hoi e haawi ia mai ana i ka i'a. Ua hoole pu ae no hoi oia i kona haa% w'* ana i ke kiana pauda i na kanaka 1 hopuia ai, a i kekahi kanaka e ae paha, a aole no he maiamaia o ke kiana pauda maloko o ka halelio, kahi e hiki ai ke ioaa iaia. E laweia mai ana keia mea a huli pono ia maloko o ka halawai a ka Papa 0 na Lunaklai. Ma ka manaq o Sam Johnson aole oia i manaoio, lia hewa o Charles Costa, aka nae ina ua hana lo oia i kela hana, alaila e hoopau kokeia aku no oia mai ka hana aku. Ua hoike ae no hoi o C. Hustace ka Lunahoomalu o ka Papa o na Lunakiai 1 kona manao i ka wa i ninauia aku al maluna o keia mea penei: "E noii ponola aku ana keia mea, me ka nana ole owai la ua kanaka la, a ina e ikeia ana kona hewa, alaila e haule aku ana ke ko'i maluna ona, a e haule aku ana me ka ikaika."