Ka Nupepa Kuokoa, Volume XLII, Number 26, 28 June 1907 — HE NANE. [ARTICLE]

HE NANE.

He kino, he poo, a he huelo no ko'u. Ina e okiia kuu poo, a koe kuu kino aine kuu huelo e pau ana au i ka ai ia e na holoholona ame na kanaka. Ina o kuu kino wale no, e lilo ana au i mea nui a kaulana, a na'u e rula nel na mea apau o ka honua a ke hanai aku nei au ia lakou a hoomalu hoi malalo iho o ko'u mana. Ina o kuu po wale no, he milimili au, he punahele, a he ipo aloha na na keonimana ame na lede iwaena o ka poe hanohano, he hoa kaunu ma na anaina hoolaulea a na poe waiwai e luana pu ai ma na Towera, na Kakela kamaha'o ame na Hotele kaulana o ke Ao nei apuni. Ina o kuu huelo wale no, he leo au no kekahi manu, a 1 ole ia, he mea kaulana au a mahalo nui ia iwaena o kuu lahui a'u .i aloha loa ai. Ina hulia kuu poo, me kuu kino, he mea au i makemake nuiia e na mea apau, ke imi ia nei au, ke huli ia nei, ke hakilo ia nei, hoomakakiu ia, hookolo ia, noiiia a nowelo ia hoi, mai ka poiuiu o ka lani a i ka lipolipo o ka moana. Ina e huiia kuu poo, me kuu kino. ame kuu huelo alaila. loaa kuu kino holookoa mai ke poo a kuu huelo. E ike no oukou ia'u he kupaianaha au o na kupaianaha, he kamahao a luaole o na kamahao, pookela ko'u noeau, hohonu a palenaole ka naauao o ko keia ao ua like ia me ke kuhihewa o ke keiki kolo, a o ko'u lono, ua hiki aku ia i na welelau o ka honua, a pela i puana ia ai ma ka Euanelio mau loa. I kinohi ka L<ogou, Me ke Akua ka Logou, A o ke Akua no ka Logou. Owai kuu inoa? E kuailo mai, in% au e loaa ia oukou, e kukuli iho auanei oukou a hoomana mai ia'u, a i ole pela, e hlki hou mai ana au e hoike i na Lahui apau o ke Ao nei. "Eia mai ke Kihapai Pua o Elenale. Ka Mahinaai i*piha i ke Aloha." Ka La Alohi Murisedera. Kai maokioki o Kona. Kailua i ka paka ona, Mei 23, 1907.