Ka Nupepa Kuokoa, Volume XLII, Number 26, 28 June 1907 — KIPA HOU MAI NA MALIHINI Luakaha i ka La'i o ke Taona a Hala aku no Maui me Hawaii. [ARTICLE]

KIPA HOU MAI NA MALIHINI

Luakaha i ka La'i o ke Taona a Hala aku no Maui me Hawaii.

Ma ke ku ana mai o ka-moku lawokoa Crook i ka la Sabati nei i hoea mai ai ka huakai elua a na hoa o ka Ahaolelo Makua o Amerika Huipuia, 0 ka inoa o keia mau malihini hou a ke Teritori, o ka Mea Hanohano M. C. McKinney ame kana wahine, ka Mea Hanohano W. W. Cocks o Nu loka ame kana kaikamahine Miss Nellis, E. M. Higgins o Konetikati, J. M. ReynoldB o Penikefevenia ame kana kaikamahine. I ka moku i ku mai ai i ka uwapo, ua hoea aku ke Kakauolelo Atkinson no ka hookipa ana mai ia lakoG, a ua lawe loa ia inai la lakou no ka Hokele Hawaii. Ua hoohalaia e ua mau malihini la ia auwina la ma ka holokaa otomobila ana ma ka hele makaikai ana i kekahi mau wahi kokoke mai o ke kulanakauhale nei. Ma ka Poakahi ae, ua hoohalaia kekahi hapa o ke kakahiaka ma ka hele ana iloko o na halekuai e kuai ai i kekahi mau hemahema o lakou, na mea hoi a lakou i manao ai e loaa i Kapalakiko, aka nae aole. lakou I kipa nolaila ma keia huakai mai nei. O ka papa hoonohonoho i manaoia no ua mau malihini ia ma ia kakahiaka, oia no ka pii ana aku e makaikal 1 .ka nuku o Nuuanu, aka nae mamull o ka ua liilii, ua hoomoeia ia manao, a UO, kau aku lakou maluna o na kaa otomobila nouka o ka Hale Hui mauka 0 Pu'unui, a ilaila i halawai pu mai ai me lakou kekahi mau lede i hoonohoia no ka hot>makaukau ana i kekahi mau mea ai mama. . Ua lilo i mea hialaal nuiia e ua mau malihini la ke ano o kahi o keia hale 1 ku āi, ame na hiona e hoopuni ana i keia wahi, a mamuli o ke kllihune ua liilii u»a hiki ole ia lakou ke huli hoi koke mai no ke taona nei, aka ua hoohalala he hookahi hora a oi ma ka nanea ana.no maloko o keia hale. ka Poalua ae, ua hookuuia aku lakou e hana i ka lakou mau mea i makemake ai e hana a hiki i ke awakea, a ma ka hora 12 o ke wwakea, ua kau aku la lakou o ke Kinau me ka ukali pu ia e Mr. Conk!in&. ke kakauolelo poo o ke keena o ke Kakauolelo o ke Teritori. Ma ka hoea ana o ke Klnau i Lahaina, ua pau nui lakou i ka lele iuka malaila a kaa aku la malalo o ke alakai ana a ke Komite Hookipa o Maui, a na lakou. i lawe aku ma Paia ame Kahului me ka makaikai pu ana i ka palekai o Kahului. E hoohalaia ana he mau la lehulehu e lakou ma Maui, a ma ka hoea ana aku o ka Mauna Loa ma Maalaea, e kau aku ai lakou no ka holo ana aku no na Kona. Ma Kailua lakou e lele ai, a mauka 0 ka aina e hele makaikai aku ai a hiki i Napoopoo, a i ka hoea ana aku a ke Kinau i ka Poaono, e lawe loaia aku ai no Honuapo, e hoea aku ai i ka la Sabati, a mailaila ae e kamoe aku ai no ke taona o Hilo. He mau la ia no ka makaikai ana 1 ka lua pele ame kekahi mau wahi e ae i kupono no ka makaikai ana, a aoie no hoi e hooneleia ana ko lakou kiei ana aku i ka palekai o Hilo. O kekahi o na manao i hooialaia, ola no ko lakou holo ana mai mauka o ka aina maluna o na kaa a hiki i Waimea alaila kau mai ma ke Kinau no ka huli hoi loa ana mai no ke kulannkauhale nei ma ka po o ka Poalima.