Ka Nupepa Kuokoa, Volume XLII, Number 26, 28 June 1907 — HULI HOI MAI NEI IA PUKIKI KAMAAINA IWAENA O KA POAI O KA POE PAANI KINIPOPO. [ARTICLE]

HULI HOI MAI NEI IA PUKIKI KAMAAINA IWAENA O KA POAI O KA POE PAANI KINIPOPO.

Ma ke ku ana mai a ka mokuahi Bierra ma ka Poalima nei i huli hoi mai ai o L. S. Soars no Honolulu nei, mahope iho o kona hoohala ana he eiwa mau mahina ma Kaleponi. Mamuli o kana olelo, ua huli hoi mai nei oia mamuli o ke a'o ana mai a ke kauka iaia e hoi mai no Hawaii kahi e loaa ai iaia o na ea mehana. He nui na ohana Pukiki e ae i huli hoi pu mai nei no Hawaii nei, o ko lakou kumu no lioi o ka hoi ana riTai nei, mamuli o ka pii loa o na mea e pono ai o ka noho ana i keia manawa ma Kapalakiko a ua manao lakou he oi ae ka pono o ka hnli hoi ana mai no Honolulu nei mamua o ka noho ana aku nolaila. Ma ka olelo a Mr. Alves, he nui ka olohani ma na hana like ole ma Kapalakiko. He nui no ka ukuhana e loaa ana malaila, aka. he nui no nae ka pii o na mea e pono ai o ka noho ana, e lilo ai no ia mau uku hana i mea ole. Ua pii mai ka uku ona hale hoolimalima, na mea ai no hoi, na huaai, a ua hiki ole i ke kanaka i mare wahine ke ola no f2O o ka pule. He lehulehu wale o ka poe i kamaaina mua me ia maanei 1 halawai pu ma Kapalakiko, a ua makemake lakou apau e huli hoi mai, a ke hoomakaukau la kekahi poe o lakou no ka hoi ana mai.