Ka Nupepa Kuokoa, Volume XLII, Number 27, 5 July 1907 — KA LOIO KUHINA AME KIAAINA FREAR. [ARTICLE]

KA LOIO KUHINA AME KIAAINA FREAR.

(, Ae. ua kipa aku au e ike ike Kiaaina hou Frear ma ka auwina la Poaha nei,'' wahi a Loio Kuhina E. O. Peters i pane naai ai, a ua loaa in'u he kamailio maikai ana me ia. O ka'u i ha'i aku ai iaia ua loaa mua ia'u keia manao no kekahi manawa loihi i hala ae nei e waiho aku me ka maikai i ke kulana a'n e paa nei i ka wa e waiho pu ai o Kiaaina Oxirter i kona noho kiaaina ana a e lawelawe au no'u iho ma ka oihana loio kukaokoa. Ua hookahua an ia manao o'u mamuli o keia manao wale no e hoomau aku ana no la o Kiaaina Carter i kona Kiaaina ana a hiki i ka pau pono ana o kona manawa iloko o Novemaba la 23, e hiki mai ana. Aka, o keia waiho koke ana ona i elua mahina mamua ae o ia manawa, ua loli ae la ka'u papa hoonohonoho i manao mua ai. Ua ha'i aku au i ke Kiaaina hou he makemake ko'u e ike mai oia, oiai np nae, ua kaumaha no au ia manao, e mau no ko'u lawelawe ana malalo ona a aole hoi au e lilo i mea noi e hookohu hou ia mai. Ua loaa no ia'u ka manao ua lawa ae la no ko'u noho ana ma keia oihana no ka mea, ua loihi ko'u manawa i lawelawe ai i keia oihana. I ko'u hiki inua ana mai i keia mau paemoku ua lilo koke no au i kokua Loio Kuhina no ekolu makahiki ame ka hapa, a i ka wa i loli ai na hooponopono a kulana aupuni ua lilo koke ae la au i Loio Kuhina no aneane elua makahiki. "O ke kaawale ana aku o Mr. Makalahana ame Mr. l)erby no Kapalakiko, ame ka hookiekieia ana ae o Mr. Ballou oia kekahi ihoa o na Lunakanawai Kiekie, ua manao au he hakahaka kupono iloa iloko o ka papa loio e pono loa ai ia'u e hoopiha aku me ke kali hou ole aku, no ka waiho ana aku i ko'u kulana i keia wa a e hoi aku au e lawelawe ma ka oihana loio kukaokoa no'u iho. "Mahope iho o ko'u waiho ana iho i ka'u oihana e hoomaha iki aku anra,wau no hookahi a elua j>aha pule ma ka auau kai a hele wawae mau ana e loaa ae ai paha ia'u ka ikaika maikai o ke kino a kupono no ka lawelawe ana aku i ka hana, a mahope aku o ia manawa e wehe aku ai au i keena loio no'u ma ke kauwahi kupono 0 ke kaona. "Ke hapai nui nei au me ka hooia kiekie aku i ko'u hope Mr. Prosser, a wahi a ke Kiaaina hou, ua pipili loa kona naau nona mamuli o kona ike a hoomaopopo ana i kona makaukau ma ia oihana. Aka nae o ka'u i kamailio ae ai aole keia he oihana na ke kanaka ihookahi wale no a aole no hoi o Mr. Prosser wale ke kanaka kupono ma ia noho; o ka lehulehu o na hana like ole ame ka nui o ka hana o ia keena e hanaia me ka holopono e koi mai ana ia 1 kela ame keia kanaka iloko o ia oihana e kaana ae i ka oi ae o makaukau. "Ua manao au o ko Mr. Prosser hookiekie ia ana ae ma ke poo o ia keena, a o Mr. Milverfon hoi ma ko Mr. Prosser wahi, ame ka hookohu hou ana aku i kanaka ma ko Mr. Milverton wahi, e loaa ai ka ikaika, ka makaukau ame ka huki like ana i ka hana o ia keena me ka holopono. "He mahalo kiekie ko'u no Mr. Peters no kana mau hana aloha ame na mea maikai apau ana i lawelawe ai no'u imua o ke Kiaaina hou," wahi a Mr. Prosser, "a ua hauoli pu no hoi i ka ike ana i ko ke Kiaaina hou manao e hooia ana no ko'u kupono no ia noho. 0 ke kulana Loio Kuhina oia no kekahi o na oihana pili loa aku o ka pono e haawiia mai na «hilinai ana e ke poo o ka oihana, ke Kiaaina. "Ma ke ano kupono maoli, Kiaaina hou no me kona manao ponoi, ke makemake oia, e koho i kana mea i manao ai he kupono ma ia nolio. Aka nae. ke manao nei au aole no ia he hana mama o ka wae ana i ke kanaka kupono e lawelawe i ka hana o ia keena i oi aku ka makaukau i ko Mr. Peters."