Ka Nupepa Kuokoa, Volume XLII, Number 27, 5 July 1907 — HOALOHALOHA. [ARTICLE]

HOALOHALOHA.

O makou o ka Ahaluna ame na hoahanau o ka Ekalesia Ahahuina o Waiohinu, Kau, Hawaii, kona Kula Sabati ame ka Ahahui Hooikaika Kristiano, ma o ko makou komite la.

Walohia wale:—Ua oluolu i ke Akua ka Makua Mana L<oa, ka lawe ana aku i ka uhane o kana kauwa aloha Rev. J. Kauhane ke kahunapule hoi i noho loihi iloko o na Ekalesia o Kapaliiuka ame Waiohinu, Kau, Hawaii mawaena 0 ka hora 12 ame 1 p. m. o ka la 3 o lune, M. H. 1907, ma ka halema'i Moiwahine ma Honolulu, Oahu. O ka ma-. nawa o kona noho ana mai a lawelawe 1 na hana o na Ekalesia i oleloia, me kona mau Ahaluna, he 14 makahiki ma ka Ekalesia o Kapaliiuka he 30 makahiki ma ka Ekalesia o Waiohinu, a ma la Ekalesia oia i noho iho la a hiki mai la i kona haulele ana i kana pu-a hipa, a me keia ola ana, ua piha iaia na makahiki he 44 o kona hoike ana mai i ka Euanelio o ke ola ma keia mau Ekaleaia. He kahu hoomanawanui i na pilikia, he oluolu, he aloha, akahai, lokomaikai, a he hookipa, a pela aku. A mamuli o ko ka Makua Lani lawe ana aku i kona uhane iloko 0 kona wahi maha ma-o a waiho iho 1 kona kino lepo na kakou e kanikau aku ma keia ao mauleule. A no ka mea. Nana no i haawi mai, a Nana no i lawe aku, a e hoomaikai nuiia aku Kona linoa. Nolalla ke hooholo nei makou penei:

Akahl. —O ka make ana o Rev. J. Kauhane, ua ili iho maluna o ka Ekalesia Ahahuina, kona Kula Sabatl ame ka Ahahul Hooikaika Kristiano, ka ohana, ame na hoaloha, ke kaumaha ame ka luuluu o na hoomanao ana me ka na ole no kana mau hana maikai. Elua —Ke komo pu nei makou me oukou na keiki i hooneleia i ka makua ole, ka ohana ame na kinl makamaka e U pu, a e auamo pu hoi i na luulnu ame na kaumaha 1 ili iho maluna o kakou apau, no ko kakou kahu i al>ha nui ia. Ekolu—Ke pule nei makou i ka llaka e hoomama ae i na kaumaha o na keikl makua ole ame na moopuna. Eha—Ke nonoi nui nei makou i k» Makua Lani ke Kahuhipa nui hoi, e launa nui mai kona Uhane maluna o kona Ekalesia i hooneleia i ke Kahu ole, a nana no e alakai i kona poe hipa ma ka aoao maikai no kona Inoa. Elima—E hoopaaia keia olelo hoalohaloha ma ka buke moolelo o ka Ekalesia Ahahuina o Waiohinu a e haawi pakahiia na kope, hookahi i na ke»« iki Makua ole, i ka Hoaloha, i ke Kuokoa ame ke Kilohana o ka Malamalama. Ma o ko Makou Komite la, John K. Kekaula, lunahoomalu; T. K. Kaapa, C. G. Macomb«>r, J. H. S. Martin, J. L. K. Kawaha. *++