Ka Nupepa Kuokoa, Volume XLII, Number 28, 12 July 1907 — LOAA KEKAHI KENIKENI KALAKAUA. [ARTICLE]

LOAA KEKAHI KENIKENI KALAKAUA.

Ma ka huli hoi ana mai nei o Herbert Dowsett, George Bro\vn ame Guy Maefarlane mai kekahi kula Nui mai ma Amerlka Huipuia, ua ha'i mai lakou i ke kauwahi moolelo pokole 1 ulia ae oiai lakou ma Kikako, me lie mea la he haawina pomaikai no paha ia i haa. wi ia mai e na lani. Ia lakou i hikt mai ai i ke kulanakauhale o Kikako, ua lele iho la lakou ma ka hale hoolulu kaaalii a hele .wawae hou aku la ma kekahi aoao o ke kulanakauhale a hiki i ka hale hoolulu kaaahi o Kikako ame ke alahao o ke komohana.

Malaila, e like no hoi me ke ano mau 0 ka ohua o ka hooponopono ana i na pahuloie, na paiki ame na mea like e pili ana i na o'nua, no ka hoololi ana mai kekahi kaa a i kekahi i loaa mal ai na likiki uku kaa, oiai e holo komohana koke aku ana keia poe opio. Ia lakou e Uku ana i ko lakou mau uku kaa haule aku la he hapaha mai ko Dowsett lima a iluna o ka papahele, a iaia i kulou iho ai e lalau ike aku la oia I ka hulali mai o kekahi mea mamua pono aku ona; i kona lalau ana aku a nana pono ike iho la oia lie kenikeni Kalakaua i hanaia i pihi pulima no na wahine a kane paha. Aohe mea malaila e koi mai ai 1 keia kenlkeni, nolaila, ua hoihoi loa ia mai a ke malamaia nei ma ke ano he "waiwai 1 loaa mai na uhane kupua mai.