Ka Nupepa Kuokoa, Volume XLII, Number 30, 26 July 1907 — HE HOOMAIKAI NUI. [ARTICLE]

HE HOOMAIKAI NUI.

I ka Ekalesla o Kalapana ame kona mau Ahahui ma o ke komite, me ka mahalo: Mamuli o ka ioaa ana mai o ka oukou Hoalohaloha ame ka oukou Makana Kokua Aloha i pahola mai imua o makou ka ohana o ka Hon. J. M. Kauwila i make, he hoike hol o ko oukou aloha kulo, ame ka hoomanao poina ole nona, ko oukou komo pu ana mai me makou e auamo like ina ehaeha ame na kaumaha apau, no ka makou mea aloha i hala aku. Nolaila, o makou o ka ohana holookoa o ka Hon. J. M. Kauwila, ma o ko makou komite, ke pahola aku nei i ka makou hoomaikai ia oukou apau. A na ke Akua malalo o kona aloha, ame Kona lokomaikai nui, e kokua, malama a hoopomaikai ia oukou apau. A ke hoomalkal pu aku nel makou ina poe e ae i haawi mai ina hana e kokua mai ana ia makQU iloko o ko makou wa pilikia o ka noho ana. O makou lho no o ka ohana holookoa o Ka Hon. J. M. Kauwila ma o ke komite la, S. T. PIIHONUA.