Ka Nupepa Kuokoa, Volume XLII, Number 30, 26 July 1907 — HE WAHINE MOMONA NONA KE KAUMAHA O 520 PAONA. [ARTICLE]

HE WAHINE MOMONA NONA KE KAUMAHA O 520 PAONA.

O ke kanu kokeia ana mai nei no ia*o kekahi wahine i hiki aku kona kaumaha ika 520 paona ma Kikako, me ka hana nui. O keia ka wahine a Makaikiu Williani Maurer i make mai nei mamuli o ka paa loa o ka punwai i ka momona. 'Ua hiki ole ke hapai kanakaia ke kino kupapau o keia wahine mailoko aku o ko laua hale, ame ka.mea hiu ukana i hiki ai kona kino ke hapaiia aku mai ka hale aku. Ua lilo ka hoonee ana i kona kino malalo o ka hoohana ana a ka mea hoonee piano. Ua hoopaaia ka mea hiu ukana iluna o kaupoku o ka hale, a ua pau na pukaaniani i ka weheweheia i hiki *aku ai ke kino ke hoopukaiai*i\vaho. Ua hanaia kekahi pahu kupapau nona ke akea o 37 iniha a nona ke kaumaha o 245 paona. Ua hoopuniia keia pahu kupapau me na hupahao he umi, a he unti mau kanaka na lakou e hapai alaila hiki, a o keia ke kupapau nui hookahi i laweia no ka Puu o Loke. No na makahiki ehiku. ka hiki ole ana o keia wahine e hemo mailoko aku o ka hale, no kona momona loa e hiki ōle ai ke pahemo aku ma ka puka o ka hale, a iloko no hoi o keia manawa ua aneane hiki ole no iaia ke hanu pono, no ka nui loa o kona momona ame kona kaumaha.