Ka Nupepa Kuokoa, Volume XLII, Number 32, 9 August 1907 — Ka Naita Heneli KA OLALI O NA KAKAI MAUNA O NAWARA [ARTICLE]

Ka Naita Heneli KA OLALI O NA KAKAI MAUNA O NAWARA

MOKUNA VIII. KA HANA LOKOINO A KA ENEMI. Ike aku la ka Naita Heneli i ke ku makaukau mai o kona mau kanaka, a uwila koke ae la no ua naita opio la, no ke ake no e ka'i aku i kona mau kanaka imua o ke kahua mokomoko me ka hakalia ole. 0 na kanaka no hoi kekahi i hoopihaia me ka manao mahalo ia lakou i ike mai ai i ke ano ame ka oiwi kino kilakila o ko lakou alakai, aole hoi he olelo ana no ka poe i kamaaina mua iaia, aka no ka poe akahi no a ike i ko ia nei helehelena, ua koho e mai la no lakou i ke ano maoli o keia kanaka, he kanaka hoi e ola ai na iwi o kamahele. 1 ka Naita Heneli i ku aku ai imua o na laina o na naita he mau hanen, e hoomoana ana maloko o ka pa o ka halealii, ua hooho mai la lakou me ka-leo hookahi i ka i ana: "Ke hoohiki aku nei makou ma ka inoa o ke Akua o Alkhe, mahope mau makou ou a hiki i ke kanaka hope loa, a o kau mau kauoha ka makou e hooko me ka ewaewa ole," a oiai ua makaukau mua ko lakou mau lio apau no ka lakou huakai, nolaila o ko lakou hoeu aku la no ia me na manao lokahi no ka halawai ana me ke kanaka a lakou e kii aku nei e hopu pio. O ka loihi mai keia wahi aku a lakou i hele aku ai a hiki i ka Papu St. Jean, he iwakalua mile no ia, a ua hoea aku la lakou ilaila koke iho o ke kani ana o ka hora umi-k'umamalua o ia po me ka maalahi. Oiai, ua loaa pu mai no ke kauoha ia Heneli mai ka Moi inai no ka hele ana aku e hui pu me kekahi kanaka ko'iko'i o ia kulanakauhale, nolaila, ua hele aku la o Heneli e hui pu me ia, a nana i hoolako mai i wahi no kona mau kanaka e malu ai, mai ka ike wale ia mai ena poe oia wahi a e puali hoi oka poe e powa wale ana i ka waiwai ame ke ola o na kanaka. Ma ia kakahiaka ana ae ua hele hou aku la o Heneli e hui me keia kanaka no, a nana i hoike mai i ka ikeia ana o kekahi o na puali 0 na powa ma ka auwina la o ka la mamua iho ma ko lakou kulanakauhale, nolaila, manao iho la o Heneli, aole no i mamao loa lakou mai keia wahi akn, a aia paha lakou ma ka huli o ka mauna e nana la 1 ka aina Paniolo. Ua loaa pu mai la no hoi iaia ka ike, i na punana o keia poe e hoolulu ai, a i kona maopopo ana no keia mea, ua hoomaka koke iho la no kona hoomakaukau ana no ka lakou huakai, no ka hookolo ana aku mahope o ka meheu o ka Powa Morilo. He elua mau manao iloko ona e nalu ana iloko o keia manawa o ka he/omakaukau ana. O kona ka'i aku i kona mau kanaka ma na alahele i kamaaina mua ole ia lakou, he mea ia e poino ai lakou, mamuli o ke poipuia mai iloko o ka wa pokole e ka poe powa, malia palia aia no lakou ma rfa poopoo kahi i hoopu mai ai me ko lakou nei ike ole aku. O kekahi manao hoi oia no kona hele hookahi ana e makaikai i ko lakou kulana mamua o ka hooko maoli ana aku i ka hana i manaoia, a ma keia manao hope, ua hooholo iho la oia o kana ia e hooko ai. Ua kahea aku Ia oia i kekahi o kona mau kanaka e hele mai imua ona, a oia kana i ninau aku ai: "He hiki no nae paha ia oe ke pena, e like me ka mea i makemake ia? " . . • "Ae e kuu haku, o ka'u hana akamai loa ia a hemahema iho no ka iawelawe ana ika pahikaua nei. He mea paani, na hulu pena i ko'u mau lima e like no hoi me ka palamimo o na manamanalima o ka. poe hookani pila maluna o na kaula gita." "Ae, ua lohe mua no au nou, a oia no hoi ko'u kumu o ka hoomaoe ana aku la ia oe, ina paha he hiki ia oe ke hana ia ano hana. He hiki no nae paha ia oe ke pena mai i ka helehelena a loli loa mai kona ano maoli ae?" "Ua hiki loa ia'u ke pena i kekahi kanaka a like loa me kau makeniake ai ,a e lilo no hoi oe i lunakanawai nana e haawi mai i kau olelo hooholo no ko'u makaukau ame ka ole, aia nae a hoi ola aku kaua mai keia hana aku a kakou e hooko aku nei," i pane mai ai ke kanaka penakii. "Ka aole keia he makemake no'u a houlolohi wale aku, aka i keia manawa koke no e hookoia ai keia hana au e hooko mai ai, ina ua hiki ia oe ia hana ke hooko, a o ko'u helehelena ponoi'' no kau e pena mai ai." "Ea, heaha keia hana au e hoomaewaewa mai nei ia oe, o ko kakou hopena anei kau e hoike e mai nei?" wahi a ke kanaka penakii. "Aole paha he hoomaewaewa keia hana a'u e hana nei, aka he inii ana aku ia i ke alahele no ko kakou lanakila, a aia paha a ike aku oe i ka hopena o ia hana a'u e makemake nei e hooko ia." "A heaha la hoi no kou makemake hoi, o ka'u wale no ia e hōoko aku ai. Ua liiki loa no ia'u ke hana koke aku i keia manawa ina he makaukaii wau me na mea hana." "Ua hiki loa ia'u ke kii aku i mau mea hana nau mai keia kamaaina mai o kakou, aka ke ike aku nei nae au i kou ano hopohopo, e kuu hoaloha, a malia paha he mea maikai no'u ka hoike ana aku i ke kumu o ko'u makemake ana e hoano-e ia ko'u helehelena, i mea e hoopauia ae ai kou pohihihi. "O ka lawe ana aku i ko kakou mau kanaka i ka manawa hookahi ma keia alaheie i ma'opopo mua ole ia kakou, he hana paakiki ia no ko kakou halawai ana me ka lanakila, a pela au i manao ai e hele hookahi mua ae au e halo, e kiai i na alahele kikeekee a hoohiki loa aku i ke kahua hoqmoana ona powa. Ua imi iho nei au' i ;Ve alahele no ko kakou maalahi, aole nae he mea hookahi ma keia walii i ike i ko lakou wahi e pee mai nei, a e hele aku ana au e ike maka no'u iho." •'Ua lako au i na mea hoanoe me a'u i keia manawa a koe wale no kou hoano-e ana mai i ko'u helehelena." "Auhea oe e kuu Haku maikai, ke mauna aku nei oe i kou ola i ka lapa manu ole, a'u hoi e hopohopo loa nei no ka loaa ana ia oe o ka lanakila," wahi a kahi koa i pane mai ai me kona manao kanalua. "Mai hoopau wale kaua i ka manawa ma ke kamailio wale ana no, o ka'u e kauoha aku nei ia oe, e hoomaka koke mai oe i kau hana me ka hakalia ole." "No kou paakiki loa nae e kuu Haku e hooko aku ana au i kou makemake. E lawe koke mai i na hulu pena ame ke pena au i makemake ai, a e komo i kou lole hoano-e au i manao ai o kou lole ia e hele aku ai, a na'u e pena akii i kotf helehelena a kulike loa me kou lok." . O ka eleu koke aku la no ia o Heneli a loaa kona lole o ke kulana 0 ke kahunapule, a noho aku la oia imua o ke kanaka penakii no'ka hooko ana mai i kana hana, a i ka pau a«a o ke pena ana a ke kanaka penakii, ua like p\i ua Heneli la me kanaka kahunapule nona na makahiki i hiki aku i ke kanaono a oi. Ke hele -la ua Heneli la iwaena o kona mau kanaka ponoi, aole nae o Takou ike mai iaia nei, ke kuhi mai la no lakou he kahunapule keia a e eeke wiale ana no lakou no keia kanaka malihini a lakou i ike mua ole ai. Mahope iho nae 6 ko ia nei hele ana e makaikai i kona mau koa apau, ua hoike okoa aku la oia iaia iho, a oia ka lakou i haawi mai ai 1 na hoomaikai ame na mahalo ana no ka lua ole o keia mau hana a ko lakou alakai opio, me ko lakou hoopaa pu mai e noho malie loa ana lakou a hiki i kona hoi hou ana mai.

MOKUNA IX. KA HOOKU'I AXA O XA MEA KAUA. Ma ia kakahiaka nui \va!e i haalele mai ai ka XKita Heneli no ka na misiona. Ua kamaaina mua no oia i kekahi o na alahele mamua, aka nae o kekahi mau alahele pohihihi mai lje kulanakauhale mai o St. Jean i loaa mai ai iaia ka ike no ia mau wahi. Ke kuo-e malie loa la ka Xaita Heneli me he wahi kanaka nawaliwali la, me ka alaalawa mau ana o kona mau maka ma o a maanei, ina paha ke hakiloia mai nei oia, a i kona wa e ike iho ai ua mamao loa oia mai kahi mai o na kanaka e hiki ai ke ike mai iaia nei, ua hele aku la oia me ka wikiwiki e like me kona ana opiopio. Aia ma kona lima e paa ana oia i kekahi kookoo nui, a o kana wahi mea kaua hookahi wale no mawaho ae o keia kookoo, he newa i hu-na ia maloko o kona kuka loihi. No hookahi hora okoa keia hele ana ana ua hiki aku la oia ma kekahi alahele i\vaena mauna, a o keia no hoi kekahi o na wahi inoino !oa, e hele ai, aka nae me ka hoomanawanui no oia i hoomau aku ai i kana hele ana a hiki wale no i kona hoea ana aku ma kekahi pohaku palahalaha, oiai nae ua hele oia a piha loa i ka maluhiluhi a kaea no hoi me ka maopaopa pu o kona mau waKi au. Ke ku malia la oia maluna 0 keia pohaku, e alaalawa ana hoi kona mau maka ma o a maanei o na kiialapa nunui e hoopuni ana iaia, a me he mea la i kana hoomaopopo iho, ua nalowale oia iloko 0 ka lipolipo o ka naele o Alaki. laia nae e noonoo ana i kana mea e hana aku ai,'no ka pono o kana misiona i hele mai ai, ua lohe aku la oia i kekahi leo kanaka i ka walaau ana mai, a i kona huli ana aku ma kahi o ka leo i pa-e mai ai, ua ike aku la oia i ke ku mai o kekahi kanaka mamua pono o ko ia nei alo, he mau wahi kapuai wale no ke kaawale mai iaia nei aku. Ac|l*e he hana nui ke kolio ana aku i ke ano o keia kanaka Heneli e halawai pu nei, no ka mea e hoike okoa mai ana no kona lole mailuna a lalo, oia no kekahi o na kanaka powa malalo o ka Powa Morilo. • "Ea, pehea oe i hoea mai ai i keia wahi e ke kahunapule maikai? O ke alahele au i hele mai la he alahele ia i piha i na poino ame na popilikia," i pane mai ai ke kanaka powa i ka kaua Heneli iloko o ka aahu hu-na. "A e kuu keiki, ua hoaaia au i ko'u alanui, a eia aui ke maau hele nei iloko o ka ululaau," wahi a Heneli m$ ke kalele ana iho maluna o kona kookoo. "Alaila, owai kahi au i makemake ai e hele aku e kuu makua?" "Ua makemake au e hele aku 110 ke kulanakauhale o Navara, a ke manao nei au o ke alanui pololei la keia a'u e hele nei, a eia ko'u hoomaopopo ana i ko'u lalau a i kuu komo ana mai nei iloko o ka ululaau." Auhea oe e kuu makua maikai, eia oe ke hele nei mai Xavara mai ua pii mai nei anei oe maluna mai o keia mauna ?" "Ae malaila mai nei au e kuu keiki" i pane aku ai o Heneli me ka maalea. "Ina hoi ha pela, alaila ua maopopo no ia oe kou huhewa ana mai kou alahele pololei mai?" "A he pololei no kau e kuu keiki e i mai la, a ua ike 110 hoi au ia mea, aka nae, pehea hoi e hiki ai ia'u ke alo ae mai ko'u hu ana, oiai he nūi na ala kikeekee ma ke kumu o ka mauna e maopopo ole ai ke ala pololei e hoea aku ai i kahi a'u i makemake ai. "Ua noke au i ka huli i keia po i ke alanui a ua hele a maluhiluhi a pōloli no hoi. Ina e loaa ana kekahi mea ai na'u mai ia oe mai, ke noi aku nei au e h'aawi mai oe na'u," nui no ka maalea o ka Xaita Heneli i ka imi ana i kona wahi e poholo ai iloko o ka heana o |.ia powa. Ua kunana iho la ka powa, no kekahi manawa i kana mea e hana mai ai no keia kanaka popilikia, aka ua koi mai la nae oia e u hoi laua no kahi e loaa ai o na mea ai. , Kaha aku la ka powa hele ma kekahi ala ololi, mawaena o na pali kuhoho elua e ku mai ana, oiai hoi ka Naita Heneli e kuo'e mlalie aku ana mahope ona me he wahi elemakule nawaliwali la, a ke kani mau la ka hoe a ua Heneli la, e hoike aku ana i kona alakai i ka nui o kona maluhiluhi. Mamua o ko laua hoea ana aku i kahi hoomoana o na powa, ua olelo mai la ka.powa e kali malie oia a hiki i kona hoi hou ana mai, e hele mua oia e nana ina e loaa ana kekahi mea ai nana e ai ai. Ua hala he mau minute o ko ia nei kakali ana, ua hiki hou mai la ke kanaka powa a koi mai la iaia nei e u haele aku laua no ko lakou wahi, a o ka ukali aku la no hoi ia o Heneli. Aole i loihi loa ko 'laua hele ana aku, ua liiki koki. aku la no laua ma kekahi wahi ponaha, a e nonoho mai ana kekahi mau kanaka eono i lako pono me ka lakou mau mea kaua. Ua 4ioolauna ia aku la keia ma ke ano he kanaka kahunapule i nalowale kona alahele, a noke mai la ua poe kanaka nei i ka ninaninau iaia nei, a o ka lakou wale no e hooho like ana lie kahunapule poino maoli keia. Aole no keia poe kanaka i makemake loa i ke kipa ana aku o keia malihini i o lakou la, aka hoi no ko lakou manao he hana maikai ole lea hoonele ana i kekahi kanaka kahunapule i ka ai, ua haawi mai la lakou i mau mea ai na ia nei, me ona wahi kiaha waina. I ko ia nei maona ana, ua hoike aku la keia i kona ano maluhiluhi, me ka makemake loa ana e loaa he manawa e hooluolu ai i kona wahi kino, a oia kana i noi aku ai i wahi nona e hooluolu ai. Ua laweia mai la ko, ia nei mau halii, oia hoi he mau ilikao, p. maluna o ia mau ili i haule aku ai ka Naita Heneli hooluolu, me ka piha maalea, oiai o kana liana nui i makemake loa ai e ike oia no ko lakou kulana. Ke hoololo wale la no ka Naita Heneli me ka hoononolo ana i kona mau pukaihu, a e hele mau ia māi ana no hoi keia e makai, a. hiki i ko lakou hooiaio loa ana, ua kiaia loaia keia i ka hiamoe, ua noho nanea pu Wale iho la no ko lakou no]jo ana. Ua piha palia ka hapalua hora o ko Heneli hoomoemoe ana, ua lohe ia aku la ka halulu mai o loko o ka ululaau, a aole no lioi i-4i'uli'u iho, hoea ana kekahi mau kanaka i hiki aku ko lakou heluna i ke kanalima. Ke hoaiki aku nei ko Heneli mau maka i ka wa o ua mau kanaka la i hiki mai ai, a ke hoomaopopo loa la oia i ka mea e alakai ana ia lakou, a ma ke ano o keia kanaka ke nana aku, ua maopopo loa o ka mea no ia a ka Naita Heneli i hele aku ai no ka hopu pio ana. O na hiohiona apau o ke kanaka i hoikeia mai ia Heneli, oia mau i ano no apau kana e ike nei maluna o keia kanaka, he mau ano hoi e hoike okoa mai ana no, he aiwaiwa oia no na pali nihinihi laumania. Ke li-o la ka mgka o ua kanaka la ia lakou e ku ana maloko o ko lakou wahi hoomoana, a ma na waiwai a iaia nei e ike aku nei ka waiho mokaki mai imua o ko lakou mau alo, ua hiki loa iaia nei ke koho aku, ma kekahi aku nei no o ka lakou mau hana pakaha lakou i hele ai, aka nae aole no hē wahi mea o ua Naita hoonahoa nei a onioni ae ke waiho malia la no keia i ka wai o ko haku. haku. "Ea e Malaki," i hoomaka mai ai ka powa Morilo i ke kamailio ana, iaia i ike mai ai i ka moe aku o ke kanaka kahunapule." "Heaha ke ano o keia mea a'u e ike aku nei, nawai i hookomo mai i keia kanaka iloko o ko kakou kahua ?" "A e kuu kapena maikai," wahi a Malaki i pane aku ai me ke ano haalulu a piha i ka maka'u. "He kanaka kahunapule oia i loaa aku ia\i e auwana hele ana iloko o ka ululaau, ua hele no hoi a maluhiluhi. Ua hoaa hele oia i kona alahele i keia po, a no kona aneane loa e maule no ka pololi ame ka maluhiluhi pu no hoi, oia ko'u mea o ka lawe ana mai iaia i ko kakou wahi nei e hanai wahi ai ai, a e hooluolu ai." k "Pehea ka loihi o kona hoea ana mai i ko kakou wahi nei, a

pehea hoi ka loUii o kona hiamoe an|a:" i poha hou mai ai ka j, okalakala o ua Powa Monlo la. "Ua kokoke palia e piha ka ekolu hapaha hora mai kona h. , ana ana mai a hiki i keia manawa a he hapalua hora wale no ka I. 0 kona manawa o ka moe ana aku nei.' 1 Ua hele aku la ka Powa Morilo a hoonioni aku la i ka Xaita 11 neli ma ka wawae, he ole nae ka onioni ae oua kolohe la. ke non . id no kona pukaihu me he mea la ua pauhia loa ia ika hiannß\ K iiaKa pono loa la ka nana ana a ka Powa Morilo maluna o ka h» !oh< .< na o ka mea e moe nei, a ua lawa paha kona nia)cemake 110 ka ike ;.im 1 ka oiaio o na mea a kona kanaka i hoike aku ai iaia no keia malilnn . ua huli aku la oia imua o Malaki a pane aku la: "Aole loa i pono kou lawe ana mai i keia kanaka elemakule maloko nei o ko kakou wahi. Aole paha no ka nianao ana e ho<»p,|,kia mai ana oia ia kakou, aka 110 ka mea e haalele iho ana kakou 1 keia kahua ma ke kakahiaka o ka la apopo, a o kekahi no hoi, ua ikr no oe, ua ku-e i ko kakou mau kanawai ka hookipa ana mai i kanaka malihini, ina no paha o kou makuahine ponoi ke nonoi nui ana ia oe e kipa mai i ko kakou wahi nei, aka mai hoao nae oe e haua hou aku i kekahi o keia ano hana. Ua imi wale aku la no o Malaki he mau kumu pale no keia han ana i hana ai, aka nae ua hoopokoleia mai kana mau olelo. tnatnu o ka lioike ana mai o ua Powa Morilo la, ina e ala mai ana kekalu poino ma ia hope o kona poo no l<e pani hakahaka no keia h<>«> kipa ana i Tce kahunapule. Ua piha na hora elua o ka moe hoololo ana o ka Naila Hem h me ka ike ana i na mea lapau e hanaia ana e keia poe powa, a i U-.i lawa ana o kona makemake, ua ala mai la oia mai kona hiamoe aiu, a o ka manawa koke no hoi ia a ka Powa Morilo i hele aku ai a ninau aku la iaia: "Ua makaukau anei oe e hoomau aku ma kou alahele?" "Ae e kuu keiki, ua loaa ia'u ka ikaika maikai mahope iho o k« .1 hooluolu ana o'u, a ina paha oe e haawi mai ana i kekahi o kou m.ui kanaka no ke alakai ana aku ia'u a hiki i ka loaa ana o ko'u alanm. pololei, alaila aole he mea nana e kaohi mai i ko'u haawi ana aku 1 ka'u mau hoomaikai ana." Ua ano hoohuoi no ka Powa Morilo no keia kanaka malihini, aU nae hoi, ua uumi malie no oia i kona manao hoohui pela. Ua kalu » aku Ia oia i kekahi o kona mau kanaka no ke alakai ana aku ia liem !i iwalio o ko lakou kahua hoomoana me ke kuhikuhi pu ana aku i k< alanui e hiki aku oia i kana wahi i makemake ai. • "E haawi hou aku au i ka'u mau hoomaikai ana ia oe e kuu keiki," wahi a Heneli i pane aku ai i ka ( Powa Morilo. "Mai noonoo nui oe no ia mea, e ke kanaka nialihini, aka o ka'u wale no e kauoha aku nei ia oe, oia no ka paa ana o kou walia a mai hoao oe e kumakaia ia makou o kaiehu kokeia aku auanei oe mai ka ili aku o ka honua," Ke ike la no ka Naita Heneli i ke kuoo o ka Powa Moiiloma kana mau olelo, aka aohe nae a ia nei hoololohi wale ana aku, a o kn ia nei pe'a mai la no ia liele me ke alakai ana a ke kanaka i hoounaia mai 110 ke kuhikuhi ana aku i ko ia nei alanui pololei. Ua kokoke loa e nalo aku ka la ma ka ilikai, ua hoea aku la o Heneli ma ke kulanakauhale o St. Jean kalii hoi a kona inau kanaka e kali mai ana nona, a ua hoea aku nae ka kakou koa, i ka wa pono. no ka mea ina no i hoea ole mai oia iloko o ka hapalua hora 1 koe, ina, ua huli aku kona mau kanaka iaia. laia nei nae i ku aku ai imua o kona mau kanaka, ua hoopuni koke mai la lakou iaia, me ke ake nui ana e lohe i ka holopono o kana misiona, a oia hoi kana i hoike aku ai i ka i ana aku: "Ke hoike aku nei au imua o oukou 'e o'u mau hoa make o keia hana nui a kakou i molia mai nei i ko kakou mau ola, ua manao au, ua loaa ia'u ke alahele no ko kakou lanakila. 'Ua hiki loa ia'u ko alakai aku ia oukou iloko o ko lakou punana i keia jx), a ina e kokua mai ana oukou ia'u alaila, aole no e nui ka hana o ka lawe ola ana mai i kela powa ame kona mau kanaka." He leo hoolio o ka lokahi ka i loheia aku mai ka waha mai i> na koa apau: "E alakai aku ia makou iloko oka heana ona powal E alakai aku ia makou iloko o ka heana o na powa!" I ka lolie ana o ka Naita Heneli i keia mau leo o ke ohohia o kona mau kanaka, ua hoeu koke aku la no oia ia lakou e hoomakaukau no ko lakou ainaahiahi, i hiki ai ke loaa he manawa e hoomaha iki ai mamua o ka hoeu ana aku i ka huakai. Ua maopopo mua no i ua Naita Heneli nei, e puka mai ana ka mahina ma ka hora 11 o ia po, a ma ka hora 10 oia i manao ai e ka'i aku i kona mau kanaka ma ke alahele ana i ike aku la (\o ka lawe ana aku ia lakou, i kiahi homoana o na powa. Nolaila ,iloko o ka manawa a ka Naita Heneli i hoike aku ai 110 ke kai ana o keia huakai, ua makaukau mai la na kanaka me ko mau lako apau o ka oihana kaua a ma-ki aku la malalo o ke alakai ana o ko lakou Alakai opio, iloko o ka aaki a ka pouli o ka po. Aole he pane leo o na mea apau, no ka mea ua haawi aku ka X T aita Heneli i ke kauoha, e hamau na leo, e nihi ka helena i ka uka o Laa a pela lakou i kuo'e malie aku ai, a hiki i ke kauoha ana niai 0 Heneli ia lakou e kakali malie lakou a hiki i ka manawa e loaa aku ai o na kauoha mai iaia aku rio ka hooko ana i ka lakou hana. O keia wahi a lakou e hooluana ana, he wahi ololi iq e hiki wal< ai no i na mea elua ke hēle i ka manawa hookahi, a ma keia walii > kauoha mai ai 0 Heneli i ke kanaka penakii o laua ke hele e maniu 1 e hakilo ai i ke kulana kiai o ka poe powa. Ke nihi malie la ka laua hele ana me ka nakeke o!e, a $a īnn* nawa no hoi ke olelo aku la o Heneli i kona kokoolua: "Ke man« nei au e halawai koke aku ana no kaua me kekahi kanaka i kuknluu ma kahi kokoke loa ma keia wahi a kaua e hele aku nei, no ke.kiai ana, a ke paa ka hoi oia ia kaua me ka maalahi, o ka malaelae ana n ia no ko kaua alahele. A ina e kaa nau ka ike mua, alaila, mai pupuahulu oe a ano pihojhoi paha, a ina hoi na'u, alaila aole he olH" ana, na'u e punuku aku kona walia, e hiki ole ai iaia ke walaau h<ut Ke hoomau Ja no laua i ka hele ana no mua o ko laua alahek . a 1 ka hoea ana ma kela pohaku palahalaha a Heneli i halawai niua i' me ke kanaka powa i ke ao, ana i hele hookahi ai, ua kauoha mai !-«■ oia i kona kokoolua e pee malie malaila, a oia hookahi ke hele e hakilo, malia paha aia kekahi kiai i hoonohoia e like me kana i h<»»manao ai ma kela manawa o kona liui pu ana me ke kiai i ka wa a Ke kolo la o Heneli o na ame na wawae, no ka mea ke | > pono mai la ka malamalama o ka mahina, a aia keia malalo o k 1 malumalu o kekahi mau kumulaau kahi e hoopu-e ana, ua ike ak la oia i ke ku mai o kekahi kanaka malalo o ke aka o kekahi kuuilaau ma kahi he kanakolu kapuai mai iaia nei aku. Ua kolo hou mai la o Heneli a loaa kona kokoolua a noi aku e haawiia mai ka laua newa iaia e paa ai: "Ua ike aku nei au i k< kahi kanaka, a e hele ae au e halawai pu me ia, a e noho malie no h - oe maanei, a mai noho oe a haalele iki mai keia wahi aku, a hiki kuu kahea maoli ana mai i kou inoa," a o ka nalo hou aku la no i.-i Heneli. la hoea hou ana aku a Heneli ma kahi ana o ka ike mua ana aku i ke kanaka kiai, ua ike aku la no oia i ua kanaka la e holoholo aiu. , me ka himeni ana, a he hana maalahi loa na Heneli ka holo ana aki: e poipu maluna ona, aka nae aole ia he mea e hookoia ai 0 kan|i 1 , makemake ai, a pela oia ; pupuahulu koke ole ai i ka hooko ana aku ka hopu ana i keia kiai. ) Ina he malaelae ke alahele e hoea aku ai i kahi hoomoana o ka i Powa Morilo ame kona mau kanaka, ina aole ana hele hookahi ann. . he hookahi no ka hele pu ana mai me kona mau kanaka, aka nae h->i : no ka haiki a nihinihi o ke ala e hiki ai, pela oia i makemake loa ai e t paa keia kiai me ka loaa wahi puai leo o/le, e loaa aku ai o ka hoohu'»i . i kona mau hoa powa, eia he enemi ke hookokoke aku nei ma ka palena waho o ko lakou punana. Aole l pau.