Ka Nupepa Kuokoa, Volume XLII, Number 32, 9 August 1907 — HALAWAI ME KA POPILIKIA MAMULI O KA HOLONUI. [ARTICLE]
HALAWAI ME KA POPILIKIA MAMULI O KA HOLONUI.
Mamuli o ka ulia poino i loaa ia S. S. ma ka hora ei\v« 0 ka po o ka Poaha o ka pule i hala, ma o ka hooku iia ana me ke kaa otomobile, pela makou i makemake ai e kamailio maluna o ka poe e holoholo nei maluna o keia mau kaa, i ole ai e kau mai ke koiko'i o na poino ame na popllikia maluna o lakou. I ka nana ana i na poe e holo nei maluna '0 keia mau kaa otomobile ke holo nei lakou me he mea la o lakou iho la no ka ona o na alanui, me ka manao e puehu liilii ana ka poe e maalo ae ana ma ko lakou alahele ma o ke puhi ana i ka lakou mau pu a mau hoailona e ae no ka hookaawale ana mai ko lakou alahele aku. E loaa ana no ka lanakila ia lakou ma na manawa lehulehu a lakou e holoholo ai ma na alanui, aka nae e hiki mai ana no ka manawa e halawai ai lakou me na ulia poino, ke ole e akaheleia ka hooholoia ana o ke'ia mau kaa. Aole o ha'i wale no ke hoopoinoia; aka e komo pu aku an'a no lakou iloko o ka pomo kuhohonu, e aneane ai e paa i ka halepaahao a pau ke ola ana. Ke waiho mai nei keta haole i loaa ai i ka poino ma o ka ku'i ia ana e ke kaa otomobile o Mr. Dillingham, me ke kulana kupilikii, a ke hoomamalu nei maluna 0 ka ona nona keia kaa, keia mau mea maopopo loa elua; o ka mua, oia no 4ca ulu ana mai o ke koi poho mai ka mea mai i hoopoinoia, a o ka lua oia no ke ala ana mai o kekahi liihia hewa ina e make ana ka mea i loaa i ka poino. o ka ikeia ana iloko o kekahi mau manawa i hala ae nei 1 ka nana nui oleia o ko ka lehulehu pono ma na alanui aupuni, i lawe mai ai ka Ahaolelo i hala iho nHi i kanawai e kaupalena ana 1 ka mamaholo o na kaa o keia ano, a me ia hoomaopopo no nae 1 keia kaupalenaia, ua paleia ae ka nana ana i ka pono kaulike a hooalii iho la ka manao haakei o na ona kaa a manao no lakou ke alanui. I<e hoomaikai aku nei makou i ka Oihana Makai ame ka Papa o na Lunakiai o Oahu no ka manao ana e nana makaala loaia ka hooholoia ana o na kaa o na ano like ole, a pela pu hoi ka hookoia 0 na rula ame na kanawai i kauia maluna o na kaa. No ka pono 0 ka lehulehu a no ka pono pu o na poe ona kaa, e akahele loa mai oukou i ka'hooholo ana i ko oukou mau kaa, no ka mea aia mau'ka ulia ma na wahi apau, ke loaa ole he hoomaopopo ana i ko ha'i pono. . Oka ulia paha 1 loaa i keia haole kekahi ona ulia t ano nui loa 1 ikeia ma o kakou nei, aka e lilō nae ia poino i mea e a'oia ai kakou apau, malia 0 kakou aku ana ho kekahi e loaa ona kaa o keia ano, aka nae aole wale no i na kaa otomobile ka pili o keia manao, o na kaa lio no kekahi, a me ke akahele no e pono ai i ole e halawai me na ulia poino.