Ka Nupepa Kuokoa, Volume XLII, Number 32, 9 August 1907 — KA AHAHUI O KE KE'A ULAULA AME KANA HANA. [ARTICLE]

KA AHAHUI O KE KE'A ULAULA AME KANA HANA.

Mamuli o kekahi kono i hoounaia mai e Kakaūolelo o ka Oihana Ka'ua, Taft 1 • Hawaii -nei, i kukuluia ae ai kekahi Ahahui o ke Ke a Ulaula maloko nei o ke Teritori iloko o kekahi mau la pokole 1 hala ae nei, a ua kohoia kona mau lunanui, kpe nae ka;hoike maopopo ana mai o ia poe i ko lakou nlau manaō apono no ia kohoia ana o lakou. Aole keia he Ahaliui i kulike me na ahahui e kukuluia nei īwaena o na kanaka Hawaii iloko o keia mau la, aka. he ahahui keia e kokua ana i ria pualikoa ma'i a ehaeha iloko e ka.wa o ke kaua, a iloko hoi o ka wa maluhia, e kokua ana i ka poe i loaa i ka ma'i ahulau, ka wi, ka pauahi, ka waikahe ame kekahi mau poino e ae e .holopapa ana maluna o ka lahuikanaka. / Eia ke kahua paa o keia Ahahui ma Amerika Huipuia, a mamuli o ka lilo ana o keia ahahui i ahahui kokua aku i ka poe i hoopopilileiaia mamuli o kekahi mau mea hoopoino e pahola ana maluna o ka lahui, pela i komo nui ia aku ai keia ahahui, e hookuinuia ana hoi jna kela ame keia o na Mokuaina a Teritori, a ke hoalaia nei hoi ma Hawaii nei. .. E lilo ana no i mea ano malihini ia kakou na kanaka Hawan, ka ike ana aku i ka waiwai o keia ahahui, aka nae e loaa no kekahi ike ia kakou, ma o ka nana ana aku i ke kulanakauhale o Kapalakiko, iloko o kela manawa i pau mai nei ia kulanakauhale i ke ahi. Ma ka la 17 o ka mahina o Aperila o ka makahiki 1906 i hookumuia ai keia ahahui o ke Ke'a Ulaula ma Kapalakiko, a ma ka 18 ae i holapuia ae ai ia kulanakauhale e ke ahi weliweli, a o ka po- j i loaa i ko Kapalakiko poe niamuli o keia ahahui, oia no ka, loaa ana mai o na kokua he elua miliona ame ka hapa īloko o ka wa o ia pilikia, a mamuli o ka lilo ana o keia ahahui i mea kokua aku i ka pilikia lahui ma kela mau mahele i hoakakaia ae la, pela i manaoia ai e komo pu aku keia Teritori, ma ke kukulu ana i na ahahui o keia ano, i hiki ai ke loaa mai na kokua i ka manawa e halawai aku ai keia Teritori me kekahi poino holopapa maluna o ka aina. E lilo no kela ame keia kane a wahine paha i lala no keia Aliahui ma ka hookomo ana i hookahi elala no ka makahiki, a ina nae oia e uku ana i iwakalua-kumamalima dala e lilo ana oia i lala a hiki i kona make ana. Mailoko ae o na dala i luluia ai iloko o keia Ahahui, e hoounaia ka hookahi hapalua o kona waihona i ka Ahahui nui ma Ameiika, a o kekahi hapalua no kona mau hoolilo iho, a i ka manawa e hiki mai ai o kekahi pilikia maluna o ka aina a o ka lahui paha, e loaa koke mai no na kokua ana mai ka ahahui nui mai 0 Amenka O keia iho la ka makemake o keia ahahui no ke kokua ana i ka lehulehu aole hoi no ke kokua ana i ka poe kakaikahi e like me ka liapanui o ahahui eku nei, ano ka pono ona makaainana ma keia Teritori he mea pono no e loaa he mau lala nui e komo ma keia ano ahahui. l