Ka Nupepa Kuokoa, Volume XLII, Number 34, 23 August 1907 — KUHALAHALA NA SOLONA KAU KANAWAI. [ARTICLE]

KUHALAHALA NA SOLONA KAU KANAWAI.

He heluna nui o na hoa o ka Ahaolelo i hoike ae i ko lakou mau manao kuhalahala no ko lakou hoomaopopo ole ia mai ma o ke kono ole ia ana e ke Kiaaina e komo pu aku ma ka la i hoau ae ai ke Kiaaina hou i kona moku hou, oia ka Poaha i hala. Aohe wahi noho i hoomakaukauia iloko o ka rumi kalaunu no lakou, a oia haawina nele hookahi no i na Lunakiai. Aole no paha e kala loa i hoowahawaha ia ai. O lakou ka poe kupono loa e noho pu aku i kela wa o ka hana. A no keia kumu ua hoakakaia ae he kakaikahi o na solona o ka Ahaolelo i hiki ae a ua ikeia aku ke kuku mai ma na puka i ka wa a Kiaaina Carter e ha'iolelo ana.