Ka Nupepa Kuokoa, Volume XLII, Number 34, 23 August 1907 — HAKAHAKA NA NOHO O NA KOMISINA AUHAU. [ARTICLE]

HAKAHAKA NA NOHO O NA KOMISINA AUHAU.

Ua haalele ae kekahi mau lala o ke Komisina Auhau i hookohuia ai e ke Kiaaina Carter, no ka noii ana i na Kanawai Auhau o kakou a e hoike mai me na olelo alakai i na hooponopono kupono a pau i makemakeia, e like me na kuhikuhi a kekahi Olelo Hooholo i hooholo ia ai e ko kakou Ahaolelo koke iho nei, mamuli o na hookohu i hoo.pukaia iho nei e ke Teritori ame ke Aupuni Amerika. O na komisina i hookohuia no kela Papa oia no ka Lunakanawai A. F. Judd. A mahope oko Frear hookohuia ana i Kiaaina, ua hoihoi oia i kona hookohu, a ma kekahi la o ka pule i hala i hoihoi ae ai o Waila i kona hookohu, a koe wale no o A. F. Judd ka lala i koe o kela Komisina. Aohe mau hookohu i hoopukaia ae e ke Kiaaina i keia manawa.