Ka Nupepa Kuokoa, Volume XLII, Number 34, 23 August 1907 — LILO KA INOA MOHO IA MAUI MA KA PAANI POLO. [ARTICLE]

LILO KA INOA MOHO IA MAUI MA KA PAANI POLO.

O ka paani polo i hookukuia no ka lua o ka manawa mawaena o Maui ame Oahu ma ka auwina la Poaono nei, ua aha'i hou ae na keiki o Maui i ka lanakila no ka lua o ka manawa. O keia kekahi o na paani hahana i uleleia e na keiki o kela ame keia a i ka hoea ana mai i ka hopena o ka hookuku ana, ua loaa aku i ko Maui he 10 ko lakou 'helu a he eono hol a ko Oahu nei, Ua haele like no na hui a elua iloko o na komo mua ana ekolu, a i ka hope loa o na komo ana ua loaa hou i ko Maui he eha mau helu a aoie hoi a Oahu nei, a pela i kaa aku ai ka lanaklla i na keiki o Maui, a lilo aku la ka inoa moho ia lakou. He puulu nui o ka poe makalkal i hele aku e nana 1 ka lakou paani ana, a e welo ana no hol na hae like ole ma na kaa o ka poe i koho i ko lakou aoao, a ua piha no ka poe apau l hele e nana i keia paani ana I ka hauoll.