Ka Nupepa Kuokoa, Volume XLII, Number 35, 30 August 1907 — KO POROFESA STAR MANAO. [ARTICLE]

KO POROFESA STAR MANAO.

KIKAKO, Aug. 12—Ua manao ka Porofesa Frederika- Star he hiki loa ia lapana ke hoopio ia Amerika Huipuia ina e kaua ana. Walii ana, he kuhihewa loa ka hoouna ana i ke Aumokukaua Amenka nia ka moana Pakipika, no ka mea, ma ka nana aku aole loa i lawi, pono ka ikaika ma ka pa kaua moana. Ua hoikeia ae keia mau manao ona ma kana ha'iolelo i haawi ae ai ma ka aoao e kakoo ana ia lapana ma ka la inehinei maloko o ka Halepule "Na Uhane apau.'' . Mawaena o kekahi mau manao ko'iko'i i ha'ioleloia mai eia, oia iho keia malalo nei: "Ma ka kakou mau mea e hoomaopopo aku nei, aohe mana i oi ae ma na mana o ka honua nei e loaa aku ko lapana. "Aohe o'u hopohopo no ka pilikia o na ili halena. "Aka, o ka pilikia ma ka aoao o na ilikeokeo ka kakou e noonoo ae. Auhea na iliulaula ame na ilieleele? ? "Ua popopo ka pualikoa Rukini a aohe a kakou noonoo ana no lakou. Aka o Rusia wale no ke Aupuni i loaa he manawa eku paio ai me lapana. "E manao ana anei kakou o ko kakou pualikoa o 90,000 haalele mai i ka hana i ka makahiki, ka poe kuhalahala mau no ko Jakou hanai mau ia i ka i'a pakaliao no ka aina kakahiaka, a e ku-e mau ana 1 ko lakou paikauia i kela me keia la, a e hoohalahala mau ana hoi no ka emi o ko lakou uku, e hiki ia lakou ke ku-e aku i na lapana ? "Aole au i ike i ka hiki ia lakou ke kaua aku ia lapana. Aolie o'u manaolana pela: ina e kaua aku ana kakou, no kakou ia liewa. Aole o lapana e hoala mai ana i ke kaua."