Ka Nupepa Kuokoa, Volume XLII, Number 35, 30 August 1907 — HOOKU'I KE KAA OTOMOBILE AME KE KAAUWILA. [ARTICLE]

HOOKU'I KE KAA OTOMOBILE AME KE KAAUWILA.

Oiai ke kaauwila e huli hoi mai ana no ke kulanakauhale nei me ka piha i ka poe kinipopo ma ka Poaono i hala, ua hooku'i ae la ua kaa la me ke kaa otomobile e kalaiwaia ana e J. C. Kennedy, a o kahi nae o ka laki aole he mea i loaa o ka poino. Ua kapa aku o Mr. Kennedy no ke kia kaa o ke kaauwila ka hewa no kona hookani ole i ka bele no ka haawi ana aku i ka hoailona no ka hookaawale ana mai ka pilikia aku, a ua kapilipili mai hoi ke kia kaauwila no Mr. Kcnnedy no ka hewa no kona malama pono ole i kona kaa. Ua noke mai la hoi na ohua oluna o ke kaauwila i uwauwa i ke kiakaauwila no kona makaala ole i kana hana, a he paiakuli ia oluna ( o ke kaauwila ke hoolohe akii i na ohua, ine he mea la e noke nui ana no i ka uwauwa i ke kinipopo.