Ka Nupepa Kuokoa, Volume XLII, Number 36, 6 September 1907 — KUHALAHALA KEKAHI KUPAKAKO KAAUWILA. [ARTICLE]

KUHALAHALA KEKAHI KUPAKAKO KAAUWILA.

O keia iho malalo nei kona manao i hoike ae ai ma ke akea: Ma kekahi la o ka pule i hala, oiai au e hooko ana i ka'u hana, ua papa aku la au i kekahi Kepani walaau iluna o ke kaa e noho ma- j lie me ka olelo pu aku iaia e noho ilalo. Ano ko'u hana ana ia harfa ua hoopauia mai au mai ka hana mai. A i mea e ike mai ai ka lehulehu i ka manao o ka mea nana e kaupaona ka olelo hooholo he mea pono no ia'u e houee maopopo aku i na kuniu. Owau ke kupakako o ke kaauwila o ke alanui Moi e holo ana i ka hikina 1 ka wa a kekahi Kepanf i ieau mai ai. I kona kau ana mai ua hikaka hele mai la ola iluna o ka ipu uwila, puili ae la i kona mau lima a he helehelena o ka hoonana ka mea i īkeia aku. Ma kekahi aoao o ka ipu uwila he puolo a o kahi kaawale wale no ia no ka mea hookahi e ku ai oiai aia ma kekahi aoao he poho ie ua piha i ka lole a ua piha loa ia kowa. Mahope īho oka ohi ana mai i kona uku, ua noi aku au iaia e lioi iloko o ke kaa a e noho iho ilalo. Ua hoole mai la ofe. Ua ninau aku au iaia i kahi kupono no'u e ku ai, a wahi ana, ua hiki no ia oe ke ku ma na wahi a- k pau au e makemake ai. Maikai kana kamailio ana ma ka olelo haole. Ua hoike aku au iaia aole oia i aeia e ku ma kahi o ka ipu uwila 'oiai he nui no na noho kaawale e ae, a wahi ana aole oia e hele ana mai ia wahi mai. Ua noi mai co\ ia'u e hoolele iaia mai ke kaa aku. Ua olelo hou aku au iaia e noho iluna o ka noho, a ina aole e hiki īaia ke hana pela alaila, na'u e lawe iaia a hoonoho ilalo. Ua ku-e mai oia i ka'u a nolaila, ua hopu au iaia a lawe aku e hoonoho ika nolio. Mahope iho 0 kela manawa ua holoholo hele aku la oia imua a ihope me ka noho ole me ka hopu ana iho i ka pepa ame ka peni a kanau iho la i ka helu o ke kaa, ka helu o ke kiakaf\ ame ko'u. ua ha'i mai oia ia'u e hoike ana'oia ia mea ia Ballentyne, a ua hoike io no. O keia Kepani oke kauwa no ia a Ballentvne, aole nae au i ike īa manawa. Ma ka Poalima nei ua kaheaia mai au e Ballentvne e komo aku i ke keena. Ua ninauninauia wau a ua hoike aku e like me ka'u i hoīke mua ae nei ,a ia wa oia i olelo mai ai ia'u aole au i makemake e liana hou aku no ka Hui kaauwila. "E Mr. Ballentyne," wahi a'u, "o keia wale iho la no ke kumu o ko'u hoopauia mai ka hana mai ?" "Ae," wahi ana, "oia wale no." "Aohe mea e ae?" wahi a'u i ninau hou aku ai. "Aohe mea e ae," wahi ana. He makemake au e ninau aku i ka lehulehu ua hanaia mai anei au me ke ano maikai ? Ua hooko pono au i ka'u hana, eia nae ua hoakaka mai o Ballentyne ua hoopauia wau me.ka hana ole i kekahi hewa, koe wale no kela hana a'u i hoike mua ae net. Aole o'u mkemake e hoi hou i ka hana, aka, o ko'u makemake e ike mai ka lehulehu, mahope iho o ko'u hana ana i ka hana a ka Hui me ka pololei ame ka ewaewa ole ua ukuia niai la me ka hoopauia. Kou, ROBERT BURGESS.