Ka Nupepa Kuokoa, Volume XLII, Number 36, 6 September 1907 — NUHOU KUWAHO. [ARTICLE]

NUHOU KUWAHO.

Contras, Aug. 266.—He umi poe 1 make a he īwakalua-kumamalima poe i hoehaia mamuli o ka hooku'iia ana o ke kaaahi lawe leka maanei. Parisa, Aug. 29. —O ka olelo hoo holo a ke Keena kaua e hoounaia aku no na pualikaua Farani e kauohaia mai ana e tce Kenerala Drude, no Moroko no ke kinai ana i na hoala kaua kipi a na koa Mua. Kikako, Aug. 29 —Ua makeia kekahi keikikane a ke Kenerala Carter ma ka la i nahinei mamuli 0 ka hoanapuia ana e ka uwila. Arkansas City, Aug. 29. —O na keena hana o ka Hui Telegarapa Uniona Komohana ua ulupaia e ke ahi ma ke kakahiaka o nehinei. Los Angeles, Aug. 29. —Maloko 0 ka ha'iolelo a ke komisina Ishii i hoakaka ae ai i nehinei o ke kaua e upuia nei mawaena o lapana ame Amerika he mea maopopo ole. Quebec, Aug. 30. —Ma ka la i nehinei i hiolo ai kela alahaka hou 1 hanaia īno nei nona ka lilo he ehiku miliōna dala. He kanahikukumamalima poe limahana i hiolo pu a haule a piholo iloko o ka muliwai. O keia alahaka ae la na ke Aupuni o Kanada ia i kukulu maluna' 0 ka muliwai St. Lawerence; a i ka wa e paa pono ai ,oia kekahi o na alahaka nui loa ma ke ao nei, aole nae i paa a hiolo e. Nu loka, Aug. 30. —He kanako-lu-kurriamaono tausani tona lanahu i kauohaia aku nei e hoolako ae ma na wahi like ole a na mokukaua e kipa aku ai ma ka huakai hoomaamaa a ke aumokukaua o ka Akelamka e holo ana no ka Moana Pakipika. Slianghai, Aug. 31.— Ua pahola ae ma keia wahi o na aina hikina ka ma'i Kolera. A hiki i ka la i nehinei he elua haneri make i ke Kolera i hoikeia mai. Iloko o keia pahola ana a ke Kolera ma Shanghai he lehulehu wale'na haole Europa i make. Wahi a kekahi leka mai Berlin mai 1 ka'kauia i ka la 22 e olelo ana penei: Ua puka hou ae ke Kolera ma ke kaona o na Pake ma Shanghai, a he lehulehu wale na haole Europ!a i lioino, a he nui na hana e kaupale ana i lawelaweia ma ke kaona ona lahui e. He lehulehcf na kaona Pake ame Kepani i loaa 1 ka ma'i, a he mea hiki maopopo ole ke olelo ae ua pahola aku paha keia ano ma'i maluna o na moku.