Ka Nupepa Kuokoa, Volume XLII, Number 36, 6 September 1907 — KAU O HAWAII MA KA HELU 34 O NA PUALI KI PU NUI. [ARTICLE]

KAU O HAWAII MA KA HELU 34 O NA PUALI KI PU NUI.

Ma ke Kelekalapa i hoounaia mai e Mekia Riley ia Koneia J. W. Jones, i ikeia iho ai, ke kau ana aku o ka hui kikipu o Hawaii nei i holo aku nei ma ka hookuku ki pu nui i malamaia mai nei ma Camp Perry i ka helu 34, mailoko mai hoi o ka heluna nui 0 na puafi ki pu lie 48 i hoea ae ma ia hookuku ana mai nei, ua ike pu ia he 14 mau hui i haule iho i ko Hawaii nei. Ma ka hookuku i malamaia ma ka makahiki 1905, ua kau aku ka puali mai Hawaii nei aku i ka helu 31, oiai nae he 37 mau puali e hookuku ana ia manawa, a he ehiku wale no mau puali 1 haule ia Hawaii nei ma ia hookuku ana, a ma keia mai nei hoi, ua papaluaia kaj heluna o na puali i haule i ko Hawaii nei puali. # I Ma keia hookuku e hoomanao ia, ua huliamahi maoli no na pualikoa apuni o Amenka Huipuia, a hik? aku i ka poe e lawelawe mau ana i ka pu maluna o na mokukaua, aka ua loaa iki no nae ia Hawaii nei kahi manaolana no ko lakou makaukau ma o ka loaa ana o kela helu maikai loa ia lakou ma kela hookuku mai nei. Ua hauoli loa ka poe ma Honolulu nei i ka loaa ana mai nei o kela helu kiekie 1 keia puali, oiai, eia no i Honolulu nei kekahi poe makaukau loa i ke ki pu, a ina paha o lakou aku nei kekahi ma keia huakai aku nei, ina paha ua loaa he helu kiekie ae mamua o kela he!G, aka, ua oi loa ae nae keia helu mamua o kekahi mau puali e ae o ka hookuku ana, oiai he poe lakou i manaoia ua oi loa aku ka makaukau ma kela hana mamua o ko Hawaii nei poe.